23 октябрь куни Тошкент фотосуратлар уйида Хитой Халқ Республикаси ташкил топганининг 70 йиллиги муносабати билан Хитой рассомларининг “Ипак йўлининг қудрати: ажойиб Хитой” номли Дальян Бадиий академияси Хитой рассомлар уюшмаси аъзоларининг анъанавий рангтасвир кўргазмаси очилди.
Мазкур кўргазма Евроосиё иқтисодий ҳамкорлиги, Россия рассомлари уюшмаси, Ўзбекистон Бадиий академияси, Дальян жамоат маданият маркази, Дальян рассомлик академияси, Евроосиё иқтисодий ҳамкорлик (Пекин) бошқарув компанияси, Халқаро Хитой Маданий алмашинув маркази, Бизнес маданияти журнали, Тошкент фотосуратлар уйи ҳамкорлигида ташкил этилди.
Экспозицияда замонавий Хитой рангтасвирининг Чжан Лун Син, Куан Сяо Цзин, Ли Мин, Ян Лан Шэн, Ян Хуэй Дун, Ду Сун Жу сингари 6 нафар устасининг асарлари томошабинларга ҳавола этилган. Асарларда мамлакатнинг гўзал, вазмин ва сокин табиати сувбўёқ ва туш ёрдамида муаллифнинг табиатга бўлган муносабати лирик ва адабий талқин этилган. Анъанавий хитой рангтасвири ранглар ва чизиқлар ниҳоятда нафислиги билан ажралиб туради. Картиналар томошабинда фалсафий мушоҳада уйғотиб, унинг нафосат оламини тарбиялашга хизмат қилади.
60 та рангтасвир асаридан ташкил топган кўргазма 26 октябрда ўз ишини якунлайди
