Бугун, 4 декабрь куни Ўзбекистон Бадиий академияси Икуо Хирояма халқаро маданият карвон саройида Конституциямизнинг 28 йиллиги муносабати билан тасарруфдаги Республика ихтисослаштирилган санъат мактаб-интернати ўқувчи ёшларининг ижодий ишлар кўргазмаси ташкил этилди.
Республика ихтисослаштирилган санъат мактаб-интернати салкам бир асрдирки, санъат олами вакилларини тарбиялаб келмоқда. Мактаб-интернати фаолияти мусиқа ва тасвирий санъатга йўналтирилганлиги боис кўргазмада мусиқа бўлими томонидан мусиқий чиқиш уюштирилди, рассомлик бўлими томонидан эса тасвирий ва амалий санъатнинг рантасвир, графика, наққошлик йўналишларида 50 дан ортиқ ижодий ишлар ўрин олган кўргазма тақдим қилинди.
Ўқувчилар ўзларининг мазмунан ранг-баранг асарлари орқали халқимизнинг бой тарихи, ватанпарварлик ҳиссиёти ва келажакга бўлган юксак ишончини ифодалашган.
