loader image

Hujjatlar

ЎЗБЕКИСТОН  РЕСПУБЛИКАСИ  ПРЕЗИДЕНТИНИНГ ФАРМОНИ

ЎЗБЕКИСТОН БАДИИЙ АКАДЕМИЯСИНИ ТАШКИЛ ЭТИШ ҲАҚИДА

Ўзбекистон ҳудудида қадимдан шаклланган, жаҳоний шуҳрат қозонган нафис санъатлар мактабининг ноёб анъаналарини авайлаб асраш, ўрганиш, бойитиб бориш, миллий тасвирий, амалий миниатюра санъатимизнинг нодир дурдоналарини дунёга олиб чиқиш ва тарғиб қилиш, улардан халқимиз онгида миллий ғурур ва ифтихор, истиқлол ва Ватанга садоқат туйғуларини кучайтириш йўлида кенг фойдаланиш, замон талабларига мос бадиий таълим тизимини барпо этиш, юқори малакали мутахассислар тайёрлаш, академик илмий-тадқиқот ишларини янада такомиллаштириш мақсадида:

Ўзбекистон Республикаси Маданият ишлари вазирлиги, Рассомлар уюшмаси, атоқли санъат намоёндалари ва кенг жамоатчиликнинг таклифларини инобатга олиб, Ўзбекистон Бадиий Академияси ташкил этилсин.
Белгилаб қўйилсинки, Академия Бадиий ижодкорлар уюшмаси ва унинг асосида ўз Бошқарув кенгашига, ҳақиқий ҳамда фахрий аъзоларига эга бўлади. Унинг таркибий тизими иловага* мувофиқ тасдиқлансин.

* Илова берилмайди.

Бадиий Академия фаолиятида ижодий, ўқув ва илмий ҳамда тарғибот-ташвиқот ишлари асосида йўналишлар эканлиги эътиборга олинсин. Қуйидагилар Академиянинг асосий вазифалари этиб белгилансин:
ўзбек халқининг бой бадиий мероси, унинг жаҳон санъати тарихидаги ўрни, тараққиёт босқичлар ва замонавий йўналишларни чуқур ўрганиш ҳамда ривожланиш истиқболларини белгилаш, миллий мустақиллик ғояларига мос тадқиқотлар, дарсликлар, методик қўлланмалар яратиш;

тасвирий ва амалий санъатлар соҳасидаги ижодкорларни, энг аввало, ёш истеъдодларни халқимизнинг бой маънавий дунёси, озод ва обод Ватан келажаги олдидаги масъулият, миллий ўзликни англаш ғояларини тараннум этувчи ёрқин асарлар яратишга йўналтириш ҳамда бу йўлдаги ҳаракатларни рағбатлантириш;

ижодкорларни, иқтидорли ёшларни ижтимоий-иқтисодий муҳофаза қилиш ҳамда соҳа муассасаларининг моддий-техник негизини мустаҳкамлашни давлат йўли билан қўллаб-қувватлаш;

тасвирий ва амалий санъат, дизайн, халқ ҳунармандчилиги соҳалари бўйича юқори малакали мутахассислар тайёрлаш тизимини такомиллаштириш;
халқаро ижодий, илмий алоқаларни мустаҳкамлаш, Ўзбекистонда ва хорижда кенг кўргазма фаолияти орқали ўзбек миллий санъати ютуқларини дунё жамоатчилигига танитиш, симпозиумлар, бошқа анжуманлар ўтказиш;

Бадиий Академия таркибидаги муассасаларнинг ташкилий, моддий-техник масалаларни ҳал қилиш, уларни замонавий техника ҳамда зарур анжомлар билан таъминлаш.

Бадиий Академия таркибида:

Маннон Уйғур номидаги Тошкент давлат санъат институтининг рассомлик факультети ва Республика рассомлик билим юрти негизларида Камолиддин Беҳзод номидаги Миллий рассомлик ва дизайн институти,
Республика ўрта махсус санъат мактаб-интернати негизида тасвирий ва амалий санъат лицейи,
Қорақалпоғистон Республикаси ва вилоятларда мавжуд санъат мактаблари негизида биттадан тасвирий ва амалий санъат лицейлари ташкил этилсин.

Камолиддин Беҳзод номидаги Миллий рассомлик ва дизайн институти қошида ўрта махсус таълим бўғини сақлаб қолинсин.

Бадиий Академиянинг моддий-техник негизини мустаҳкамлаш, соҳани ривожлантириш бўйича кенг кўламли дастурларни амалга оширишни таъминлаш мақсадида махсус жамғарма ташкил этилсин.

Бадиий Академия таркибига қуйидаги муассасалар кириши белгилаб қўйилсин:

Олдинги таҳрирга қаранг.
(5-банднинг иккинчи хатбоши Ўзбекистон Республикаси Президентининг 2009 йил 7 июлдаги ПФ-4118-сонли Фармонига асосан чиқарилган— ЎР ҚҲТ, 2009 й., 28-сон, 323-модда)

Камолиддин Беҳзод номидаги Миллий рассомлик ва дизайн институти
Қорақалпоғистон Республикаси, вилоятлар ва Тошкент шаҳридаги тасвирий ва амалий санъат лицейлари
Бадиий кўргазмалар дирекцияси
Махсус жамғарма
Академиянинг Қорақалпоғистон Республикаси бўлими

Бадиий Академия ташкил этилиши муносабати билан Маданият ишлари вазирлиги қошида амалий санъат рассомлик дизайн соҳаларидаги ташкилотлар ва корхоналар негизида махсус ижодий-ишлаб чиқариш бирлашмаси тузилсин. Бу бирлашманинг Бадиий Академияда яратилган ижодий ғоялари, мукаммал бадиий лойиҳалар, нафис санъатлар соҳасидаги илмий изланишларни ишлаб чиқаришга тадбиқ этиш маркази, таълим тизимининг асосий тажриба-амалиёт таянчи бўлиши белгилаб қўйилсин.
Бадиий Академия ва унинг тасарруфидаги ташкилотлар ўз Низомлари доирасида фаолиятлари учун давлат солиқларидан 5 йилга муддатга озод этилсин.

Солиқдан озод этилиши натижасида йиғилган маблағларнинг соҳанинг янада ривожлантиришга, унинг моддий-техник негизини мустаҳкамлашга, шунингдек, ходимларни ижтимоий-иқтисодий муҳофаза қилиш ишларига сарфланиши белгилаб қўйилсин.

Олдинги таҳрирга қаранг.
(8-банд Ўзбекистон Республикаси Президентининг 2006 йил 25 июлдаги ПФ-3781-сонли Фармони билан кучини йўқотган— ЎР ҚҲТ, 2006 й., 31-32-сон, 308-модда)

Бадиий Академиянинг марказий аппарати Тошкент шаҳар Ш. Рашидов кўчаси 40-уйга жойлаштирилсин.

Ўзбекистон Республикаси Молия вазирлиги, Истиқболни белгилаш ва статистика давлат қўмитаси Бадиий Академиянинг янги замонавий биносини, экспериментал ҳайкалтарошлик ишлаб чиқариш комбинатини, Камолиддин Беҳзод номидаги Миллий рассомлик ва дизайн институтининг 500 ўринли ётоқхонасини лойиҳалаштириш ва қуриш, шунингдек, мазкур институт ҳамда Бадиий кўргазмалар дирекциясининг биноларини тўлиқ таъмирлаш учун тегишли маблағ ажратишни 1997—1999 йиллар режасига киритсин.

Ўзбекистон Республикаси Молия вазирлиги мазкур Фармонда белгиланган вазифаларни амалга ошириш учун зарур маблағларни ажратсин.

Ўзбекистон Республикаси Адлия вазирлиги бир ҳафта муддатда Ўзбекистон Республикасининг амалдаги қонун ҳужжатларига зарур ўзгартиришлар киритиш тўғрисидаги таклифларни ишлаб чиқсин.

Ўзбекистон Республикаси Вазирлар Маҳкамаси бир ой муддатда ушбу Фармоннинг бажарилишини таъминлаш юзасидан тегишли қарор қабул қилсин.

Ўзбекистон Республикасининг Президенти И. КАРИМОВ

Тошкент ш.,
1997 йил 23 январь,
ПФ-1701-сон

 

 

Ўзбекистон Республикаси Президентининг   Қарори   

Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида

Мамлакатимиз ўзининг бой бадиий мероси билан жаҳон санъати ва маданияти ривожига катта ҳисса қўшган қадимий цивилизация ўчоғи сифатида миллий бадиий анъаналарнинг ўзига хослигини сақлаб келаётгани дунёнинг етакчи санъат мутахассислари томонидан эътироф этилган.

Бугунги кунда замонавий ўзбек тасвирий санъатига кўплаб ёш истеъдод эгалари кириб келаётгани, турли йўналишларда фаолият кўрсатаётган ижодкорлар, хусусан, рассом ва ҳайкалтарошлар, халқ усталари ижодида янгича мазмун ва шакл, жаҳон санъат майдонида муносиб ўрин эгаллашга интилиш тенденциялари кўзга ташланаётганини ижобий баҳолаш лозим.

Шу билан бирга, таъкидлаш лозимки, ҳозирги вақтда тасвирий ва амалий санъат ҳамда дизайн соҳасини ривожлантириш бўйича амалга оширилаётган ишлар талаб даражасида эмаслиги, соҳага доир норматив-ҳуқуқий ҳамда моддий-техник базанинг мукаммал эмаслиги, малакали кадрлар етишмаслиги бу борадаги ишларнинг самарасига салбий таъсир этмоқда.

Ўзбек тасвирий ва амалий санъати ҳамда дизайн йўналишларини янада ривожлантириш, халқимизнинг ушбу нафис санъатларга бўлган эстетик эҳтиёжини қондириш, кенг йўналишда фаолият олиб бораётган мутахассисларнинг ижодий имкониятларидан унумли фойдаланиш, уларга шарт-шароит яратиш, бадиий салоҳиятини ошириш, замон талабларига мос бадиий таълим тизимини кенг йўлга қўйиш ҳамда Ўзбекистон Бадиий академиясининг фаолиятини ривожлантириш ва такомиллаштириш мақсадида:

  1. Қуйидагилар:

Ўзбекистон Бадиий академиясининг ташкилий тузилмаси 1-иловага мувофиқ;

Ўзбекистон Бадиий академияси марказий аппаратининг бошқарув ходимлари умумий чекланган сони 33 кишидан иборат тузилмаси 2-иловага мувофиқ;

(1-банднинг учинчи хатбошиси Ўзбекистон Республикаси Президентининг 2020 йил 21 апрелдаги ПҚ-4688-сонли қарори таҳририда — Қонун ҳужжатлари маълумотлари миллий базаси, 22.04.2020 й., 07/20/4688/0475-сон)

Ўзбекистон Бадиий академиясининг Қорақалпоғистон Республикаси бўлими тузилмаси 3-иловага мувофиқ;

Ўзбекистон Бадиий академияси фаолиятини ривожлантириш ва янада такомиллаштириш бўйича 2017 — 2021 йилларга мўлжалланган чора-тадбирлар дастури 4-иловага мувофиқ тасдиқлансин.

Ўзбекистон Бадиий академияси Бадиий ижодкорлар уюшмасининг тузилмаси 5-иловага мувофиқ маъқуллансин.

Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар дастурини амалга ошириш бўйича Республика комиссияси таркиби 6-иловага мувофиқ тасдиқлансин.

Ўзбекистон Бадиий академияси раисига зарур ҳолларда, марказий аппарат ҳамда Ўзбекистон Бадиий академиясининг Қорақалпоғистон Республикаси бўлими тузилмасига ходимларнинг чекланган умумий сони доирасида ўзгартиришлар киритиш ҳуқуқи берилсин.

  1. Ўзбекистон Бадиий академиясининг асосий вазифалари этиб қуйидагилар белгилансин:

Ўзбекистон тасвирий ва амалий санъатини янада ривожлантириш, шахсий ва ижодий кўргазмалар учун кенг имкониятлар яратиб бериш ҳамда ижодкорларнинг бадиий салоҳиятини ошириш бўйича чора-тадбирларни амалга ошириш;

жаҳондаги етакчи бадиий академиялар, ушбу йўналишдаги таълим муассасалари, ташкилотлар, атоқли маданият ва санъат арбоблари билан илғор тажрибалар алмашиш мақсадида ҳар томонлама ижодий ҳамкорлик алоқаларини ривожлантириш;

ижодкорлар ва истеъдодли ёшларни ижтимоий-иқтисодий муҳофаза қилиш ҳамда Ўзбекистон Бадиий академияси тизимидаги ташкилотларнинг моддий-техник базасини мустаҳкамлаш;

халқимизнинг бой маданий меросини, тасвирий ва амалий санъат ҳамда дизайн анъаналарини ривожлантириш мақсадида Ўзбекистон Бадиий академияси Бадиий ижодкорлар уюшмасининг (кейинги ўринларда — Бадиий ижодкорлар уюшмаси деб юритилади) фаолиятини мувофиқлаштириш;

тасвирий ва амалий санъат ҳамда дизайн йўналишидаги ижодкорларни, миллий ўзлигимизни англаш ғояларини тараннум этувчи юксак даражадаги ёрқин санъат асарларини яратишдаги фаолиятини рағбатлантириш ва болалар санъатини ривожлантириш билан боғлиқ чора-тадбирларни амалга ошириш;

Ўзбекистон Бадиий академияси тизимидаги таълим муассасаларининг фаолиятида бадиий таълим узвийлиги ҳамда узлуксизлигини таъминлашга эришиш мақсадида ихтисослаштирилган санъат мактаб-интернатлари ва ўрта махсус таълим муассасалари учун бошланғич бадиий таълимни йўлга қўйиш;

Ўзбекистон маданияти ва санъатининг тараққиёти йўлида тасвирий ва амалий санъат, дизайн ва халқ ҳунармандчилиги соҳалари бўйича юқори малакали мутахассислар тайёрлаш мақсадида Ўзбекистон Бадиий академияси тизимидаги таълим муассасаларининг фаолиятини хорижий тажрибалар асосида такомиллаштириш;

тасвирий ва амалий санъат ҳамда дизайн йўналишида етук мутахассисларни тайёрлаш тизимини такомиллаштириш, Ўзбекистон Бадиий академияси марказий аппарати ва унинг ҳудудий бўлимлари фаолиятини кучайтириш, бу борадаги вазифаларни амалга оширишнинг замонавий, таъсирчан усул ва шаклларини тизимли асосда ривожлантириб бориш;

Ўзбекистонда ва хорижда кенг кўламдаги кўргазмалар ташкил этиш орқали миллий санъатимиз ютуқларини дунё жамоатчилигига танитиш, конференция, биенналелар ва бошқа анжуманлар ўтказиш.

  1. Ўзбекистон Бадиий академияси, Ўзбекистон Республикаси Маданият вазирлиги ва Фанлар академиясининг мамлакатимиз музейлари фондларини мустақиллик йилларида яратилган юксак бадиий қийматга эга бўлган тасвирий ва амалий санъат асарлари билан мунтазам бойитиб бориш ва асарлар баҳосини уларнинг ижодий ва моддий қийматидан келиб чиққан ҳолда белгилаш мақсадида:

Ўзбекистон Республикаси Маданият вазирлиги қошида Бадиий экспертлар кенгашини ташкил этиш;

Ўзбекистон Республикаси Маданият вазирлигига мустақиллик йилларида яратилган, юксак бадиий қийматга эга бўлган тасвирий ва амалий санъат асарларини сотиб олиш учун 2018 йилдан бошлаб ҳар йили Ўзбекистон Республикаси Давлат бюджети маблағлари ҳисобидан 1 миллиард сўм ва «Ўзшаробсаноат» АЖнинг ташаббуси билан хайрия асосида 1 миллиард сўм маблағ ажратиш тўғрисидаги таклиф маъқуллансин.

(3-банднинг учинчи хатбошиси Ўзбекистон Республикаси Президентининг 2018 йил 1 августдаги ПФ-5496-сонли Фармони таҳририда — Қонун ҳужжатлари маълумотлари миллий базаси, 01.08.2018 й., 06/18/5496/1603-сон)

3-бандга Ўзбекистон Республикаси Президентининг 2017 йил 16 октябдаги ПҚ-3325-сонли қарорига асосан ўзгартириш киритилган. Рус тили матнига қаранг.

  1. Белгилаб қўйилсинки:

Ўзбекистон Бадиий академиясининг раиси мақоми, моддий, маиший, транспорт ва тиббий хизмат кўрсатиш шарт-шароитлари бўйича — вазирга, унинг ўринбосари ва бош илмий котиб — вазир ўринбосарларига тенглаштирилади;

Ўзбекистон Республикаси Маданият вазирлиги қошидаги Бадиий экспертлар кенгашининг таркиби ва Низоми Ўзбекистон Республикаси Вазирлар Маҳкамаси томонидан тасдиқланади;

(4-банднинг тўртинчи хатбошиси Ўзбекистон Республикаси Президентининг 2017 йил 16 октябрдаги ПҚ-3325-сонли қарорига асосан чиқарилган — Национальная база данных законодательства, 2017 г.)

мустақиллик йилларида яратилган юксак бадиий қийматга эга бўлган тасвирий ва амалий санъат асарлари Ўзбекистон Республикаси Маданият вазирлиги қошидаги Бадиий экспертлар кенгашининг қарорига асосан сотиб олинади;

2018 йил 1 январдан бошлаб Ўзбекистон Бадиий академиясининг ҳақиқий аъзолари учун меҳнатга ҳақ тўлашнинг энг кам миқдори 1,41 баробарида ойлик гонорар тўлаш тизими жорий қилинади ҳамда ушбу гонорарлар жисмоний шахслардан олинадиган даромад солиғидан озод қилинади;

(4-банднинг бешинчи хатбошиси Ўзбекистон Республикаси Президентининг 2019 йил 13 декабрдаги ПФ-5894-сонли Фармони таҳририда — Қонун ҳужжатлари маълумотлари миллий базаси, 14.12.2019 й., 06/19/5894/4161-сон)

Ўзбекистон Бадиий академиясининг ҳақиқий аъзолари Ўзбекистон Фанлар академиясининг ҳақиқий аъзоларига белгиланган имтиёзлардан фойдаланади.

  1. Ўзбекистон Республикаси Давлат бюджетининг маблағлари ва қонунчиликда тақиқланмаган бошқа манбалар Ўзбекистон Бадиий академияси фаолиятини молиялаштириш манбалари этиб белгилансин.

  2. Бадиий ижодкорлар уюшмаси ва унинг ҳудудий бўлимлари галереяларини сақлаш харажатлари, шунингдек, уларнинг моддий-техник базасини ривожлантириш харажатларини молиялаштириш манбаси этиб Ўзбекистон ижодкорларини қўллаб-қувватлаш «Илҳом» жамоат фонди (кейинги ўринларда — Фонд деб юритилади) маблағлари ва қонунчиликда тақиқланмаган бошқа манбалар белгилансин.

Бунда Бадиий ижодкорлар уюшмаси ҳамда унинг ҳудудий бўлимлари ходимлари меҳнатига ҳақ тўлаш харажатлари Ўзбекистон Республикаси Давлат бюджетидан Фондга ажратиладиган бюджет маблағлари (субсидия) ҳисобидан қопланиши назарда тутилсин.

(6-банднинг иккинчи хатбошиси Ўзбекистон Республикаси Президентининг 2020 йил 21 апрелдаги ПҚ-4688-сонли қарори таҳририда — Қонун ҳужжатлари маълумотлари миллий базаси, 22.04.2020 й., 07/20/4688/0475-сон)

  1. Қорақалпоғистон Республикаси Вазирлар Кенгаши ва вилоятлар ҳокимликлари Бадиий ижодкорлар уюшмаси ҳудудий бўлимларининг ҳудудий галереяларда жойлаштирилишини ҳамда уларнинг моддий-техник базаси мустаҳкамланишини таъминласин.

  2. Ўзбекистон Республикаси Молия вазирлиги:

мустақиллик йилларида яратилган юксак бадиий қийматга эга бўлган тасвирий ва амалий санъат асарларини сотиб олиш учун зарур маблағларни 2018 йилдан бошлаб Ўзбекистон Республикаси Давлат бюджетининг параметрлари шакллантирилганда ажратилишини назарда тутсин;

Ўзбекистон Бадиий академияси марказий аппаратига 2 та шахсан бириктирилган ва 1 та навбатчи хизмат автотранспорти сақлаш учун лимит ажратсин.

8-бандга Ўзбекистон Республикаси Президентининг 2018 йил 4 апрелдаги ПФ-5398-сонли Фармонига асосан ўзгартириш киритилган. Рус тили матнига қаранг.

  1. Ўзбекистон Республикаси Вазирлар Маҳкамаси 1 ой муддатда:

Ўзбекистон Бадиий академияси фаолиятини такомиллаштириш тўғрисидаги Ҳукумат қарорини қабул қилсин;

Камолиддин Беҳзод номидаги Миллий рассомлик ва дизайн институти ҳудудида Ўзбекистон Бадиий академияси биносини қуриш ишларини ташкиллаштирсин ва ушбу бинода рассомлар учун тажриба устахонасини ташкил этиш кўзда тутилсин.

  1. Ўзбекистон Бадиий академияси манфаатдор вазирликлар ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар киритиш тўғрисида Вазирлар Маҳкамасига таклифлар киритсин.

  2. Ушбу қарорнинг ижросини назорат қилиш Ўзбекистон Республикасининг Бош вазири А. Арипов ва Ўзбекистон Республикаси Президентининг Давлат маслаҳатчиси Х. Султонов зиммасига юклансин.

Ушбу қарор «Халқ сўзи» газетасининг 2017 йил 17 августдаги 162 (6856)-сонида эълон қилинган.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 16 август,

ПҚ-3219-сон

Bolim:

Yurist

FISH:

Karimov F.S.

Ўзбекистон Республикаси Президентининг Қарори

Тасвирий ва амалий санъат соҳаси самарадорлигини янада оширишга доир чора-тадбирлари тўғрисида

Тасвирий ва амалий санъат соҳаларида миллий меросимизни тиклаш, Камолиддин Беҳзоднинг бой ижодий меросини халқимизга тўла етказиш, соҳа ривожига катта ҳисса қўшган атоқли рассом ва халқ усталари хотирасини абадийлаштириш, ижодий йўналишда олий ўқув юртидан кейинги таълимни ташкил этиш, кадрларни қайта тайёрлаш ва малакасини ошириш ҳамда мамлакатимизда тасвирий ва амалий санъат ҳамда дизайн соҳаси самарадорлигини янада ошириш мақсадида:

  1. Қуйидагилар:

2020 йил октябрь ойида буюк мусаввир ва наққош Камолиддин Беҳзод таваллудининг 565 йиллигини кенг нишонлаш;

Камолиддин Беҳзод хотирасини абадийлаштириш мақсадида Тошкент шаҳрининг кўчаларидан бирига унинг номини бериш;

2020/2021 ўқув йилидан бошлаб олий таълим муассасаларида тасвирий ва амалий санъат ҳамда дизайн йўналишида таълим олаётган талабалар учун Камолиддин Беҳзод номидаги давлат стипендиясини таъсис этиш;

ёш истеъдодли ижодкорларни аниқлаш ва уларни қўллаб-қувватлаш мақсадида «Камолиддин Беҳзод издошлари» миниатюра ва халқ амалий санъати асарлари ижодий танловини ташкил этиш ва уни ҳар йили анъанавий тарзда ўтказиб бориш белгилансин.

  1. Камолиддин Беҳзод таваллудининг 565 йиллигини кенг нишонлашга тайёргарлик кўриш ва уни ўтказиш бўйича ташкилий қўмита таркиби (кейинги ўринларда — Ташкилий қўмита) 1-иловага мувофиқ тасдиқлансин.
  2. Ташкилий қўмита (А. Абдуҳакимов):

а) бир ой муддатда Камолиддин Беҳзод таваллудининг 565 йиллигини кенг нишонлашга тайёргарлик кўриш ва уни ўтказиш бўйича чора-тадбирлар дастурини ишлаб чиқсин ва тасдиқласин;

б) 2020 йил 15 сентябрга қадар Камолиддин Беҳзод номидаги Шарқ миниатюра санъати музейи хиёбонининг замонавий қиёфада қайта ташкил этилиши ва унинг ҳудудидаги Камолиддин Беҳзод ҳайкалини 2022 йилда бронзага ўтказилишини;

в) 2020 йил 1 октябрга қадар Камолиддин Беҳзод ҳаёти ва ижоди ҳамда унинг Шарқ тасвирий санъатига қўшган беқиёс ҳиссасига бағишланган ҳужжатли фильмнинг тайёрланиши ҳамда марказий телеканалларда намойиш этилишини;

г) 2020 йил октябрь ойида:

«Камолиддин Беҳзод издошлари» миниатюра ва халқ амалий санъати асарлари ижодий танловининг ўтказилишини;

Камолиддин Беҳзод ва унинг издошлари асарлари, хаттотлик санъати намуналари, замонавий миниатюра асарлари кўргазмаси ҳамда илмий-амалий конференциясининг ўтказилишини;

д) «Ўзбекистон замонавий миниатюраси» каталогининг тайёрланиши ва жорий йил октябрь ойида нашр этилишини таъминласин.

  1. Белгилансинки, Камолиддин Беҳзоднинг ҳайкалини бронзага ўтказиш билан боғлиқ харажатлар Ўзбекистон Бадиий академиясига мазкур мақсадлар учун ажратиладиган бюджет маблағлари доирасида амалга оширилади.
  2. Ўзбекистон Бадиий академияси ҳузурида:

Бадиий таълим йўналишларидаги педагог ва мутахассис кадрларни қайта тайёрлаш ҳамда уларнинг малакасини ошириш маркази (кейинги ўринларда — Марказ);

олий ўқув юртидан кейинги таълим тизимида тайёргарлик босқичи сифатида Рассомлик маҳорат устахонаси (олий рассомлик курси) (кейинги ўринларда — Рассомлик маҳорат устахонаси) ташкил этилсин.

  1. Қуйидагилар:

а) Марказнинг асосий вазифалари этиб белгилансин:

давлат олий ва профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари, болалар мусиқа ва санъат мактабларининг тасвирий ва амалий санъат, дизайн, санъатшунослик ҳамда музейшунослик йўналишлари (кейинги ўринларда — бадиий таълим йўналишлари) бўйича педагог ва мутахассис кадрларни қайта тайёрлаш ҳамда уларнинг малакасини ошириш;

иқтидорли ёш профессионал санъат намоёндаларининг билим ва кўникмаларини ривожлантиришга йўналтирилган ўқитишнинг замонавий шакл ва услублари, самарали педагогик технологиялар, электрон ахборот ресурсларидан кенг фойдаланган ҳолда таълим жараёнининг юқори даражада олиб борилишини таъминлаш;

ўқув жараёнига замонавий педагогик ва ахборот-коммуникация технологияларини кенг жорий этишни ҳисобга олган ҳолда қайта тайёрлаш ва малака ошириш курсларининг ўқув режалари ва дастурларини тизимли равишда такомиллаштириш;

бадиий таълим йўналишларидаги педагог ва мутахассисларни қайта тайёрлаш ва малакасини ошириш курсларининг ўқув-методик базасини шакллантириш ва фаолиятини мувофиқлаштириш ҳамда уларга ташкилий-методик раҳбарликни амалга ошириш;

б) Рассомлик маҳорат устахонасининг асосий вазифалари этиб белгилансин:

тасвирий санъат асарларининг юксак сифатини таъминлаш, тасвирий санъат ижодкорларининг салоҳиятини тўлақонли юзага чиқариш;

«устоз-шогирд» ва бадиий таълим анъаналарини сақлаган ҳолда ўқитишнинг илғор усулларини ишлаб чиқиш ва ўқув жараёнига ижодий устахоналар фаолиятини татбиқ этиш;

тасвирий санъат йўналишларида (дастгоҳли, графика, маҳобатли, миниатюра, ҳайкалтарошлик) фаолият олиб бораётган истеъдодли ижодкорларни саралаб олиш, уларнинг эстетик савияси ва маҳоратини юксалтириш;

санъат асарларида миллий ва умуминсоний анъаналарнинг юксак даражада ифода этилишига эришиш;

чет эллардаги кўргазма ва музейларда сақланаётган ноёб асарлар билан яқиндан танишиш, нусха кўчириш ҳамда тажриба алмашиш мақсадида хорижий мамлакатларга олий рассомлик курси ёш ижодкорларининг ижодий сафарларини ташкил этиш;

юртимиз музейлари фондларини юксак бадиий қийматга эга бўлган тасвирий санъат асарлари билан мунтазам бойитиб боришга кўмаклашиш.

  1. Белгилаб қўйилсинки:

Марказ фаолияти 2022 йил 1 январдан, Рассомлик маҳорат устахонаси фаолияти 2022/2023 ўқув йилидан бошланади;

Рассомлик маҳорат устахонаси юридик шахс мақомига эга бўлмайди ва Ўзбекистон Республикаси Давлат бюджети маблағлари ҳисобидан молиялаштирилади;

ёш ижодкорлар Рассомлик маҳорат устахонасига стажёр-тадқиқотчилар учун белгиланган тартиб асосида жалб қилинади.

  1. Ўзбекистон Бадиий академияси манфаатдор вазирлик ва идоралар билан биргаликда икки ой муддатда Марказ ҳамда Рассомлик маҳорат устахонаси фаолиятини ташкил этиш тўғрисидаги тегишли Ҳукумат қарори лойиҳасини ишлаб чиқсин ва белгиланган тартибда Вазирлар Маҳкамасига киритсин.
  2. Республикада тасвирий ва амалий санъат соҳаси самарадорлигини янада оширишга доир қўшимча чора-тадбирлар дастури 2-иловага мувофиқ тасдиқлансин.
  3. Ўзбекистон Бадиий академиясининг юртимиз тасвирий санъатига улкан ҳисса қўшган атоқли ижодкор Павел Беньков номини Республика ихтисослаштирилган рассомлик мактабига бериш тўғрисидаги таклифи маъқуллансин.
  4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2022 йил 1 сентябрга қадар Ўзбекистон Бадиий академияси тизимидаги ихтисослаштирилган санъат мактаблари ҳамда мактаб-интернатларининг моддий-техник базасини мустаҳкамлаш ва ўқувчилар учун зарур шарт-шароитлар яратиш чораларини кўрсин.
  5. 2020 йил 1 ноябрдан бошлаб Ўзбекистон Бадиий академияси марказий аппарати ходимларининг лавозим маошига Ўзбекистон Республикаси Давлат бюджети маблағлари ҳисобидан 100 фоиз миқдорида ойлик устамалар белгилансин.
  6. Мазкур қарорда назарда тутилган харажатларни молиялаштириш 2020 йилда Ўзбекистон Республикасининг республика бюджетидан иккинчи даражали бюджет маблағларини тақсимловчи сифатида Ўзбекистон Бадиий академиясига ажратиладиган маблағлар доирасида, 2021 йилдан бошлаб эса Ўзбекистон Республикаси Давлат бюджети параметрларида назарда тутилсин.
  7. Ўзбекистон Республикаси Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда тасдиқланган лойиҳа-смета ҳужжатлари асосида 2021 йил ва кейинги йилларга мўлжалланган Инвестиция дастурида Камолиддин Беҳзод номидаги Миллий рассомлик ва дизайн институтининг асосий биноси атроф ҳудудида қўшимча ўқув биноси ва замонавий ахборот-кутубхона маркази, кўргазмалар галереясини ўз ичига қамраб олувчи ёрдамчи бино қуриш ишлари учун зарур капитал қўйилма маблағларини назарда тутсин.

Ўзбекистон Бадиий академияси 2020 йил 1 октябрга қадар мазкур бандда назарда тутилган лойиҳа (объект) бўйича лойиҳа-смета ҳужжатлари ишлаб чиқилиши ва белгиланган тартибда экспертизадан ўтказилишини таъминласин.

  1. Ўзбекистон Республикаси Президентининг 2017 йил 16 августдаги «Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида»ги ПҚ-3219-сон қарорига 3-иловага мувофиқ ўзгартиришлар киритилсин.
  2. Ўзбекистон Бадиий академияси манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
  3. Мазкур қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 21 апрель,

ПҚ-4688-сон

Ўзбекистон Республикаси Вазирлар Маҳкамасининг қарори

Камолиддин Беҳзод номидаги давлат стипендиясини таъсис этиш тўғрисида

Ўзбекистон Республикаси Президентининг «Тасвирий ва амалий санъат соҳаси самарадорлигини янада оширишга доир чора-тадбирлар тўғрисида» 2020 йил 21 апрелдаги ПҚ-4688-сон қарори ижросини таъминлаш, шунингдек, олий таълим муассасаларида тасвирий ва амалий санъат ҳамда дизайн йўналишида таълим олаётган иқтидорли ва ижодкор талабаларни моддий ва маънавий қўллаб-қувватлаш ҳамда муносиб тақдирлаш мақсадида Вазирлар Маҳкамаси қарор қилади:

  1. Камолиддин Беҳзод номидаги давлат стипендиясини тайинлаш тартиби тўғрисидаги низом 1-иловага мувофиқ тасдиқлансин.
  2. Ўзбекистон Республикаси Молия вазирлиги ҳар йили мазкур қарор билан тасдиқланган Низомга мувофиқ иқтидорли ёшларни тақдирлаш ва моддий рағбатлантириш учун зарур маблағларни Ўзбекистон Республикаси Давлат бюджетидан ажратиш чораларини кўрсин.
  3. Ўзбекистон Миллий ахборот агентлиги, Ўзбекистон миллий телерадиокомпанияси оммавий ахборот воситаларида олий таълим муассасаларида тасвирий ва амалий санъат ҳамда дизайн йўналишида таълим олаётган иқтидорли ва ижодкор талабаларнинг ўз касбий ва бадиий салоҳиятини рўёбга чиқаришдаги ютуқлари кенг ёритилишини таъминласин.
  4. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.
  5. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 6 ноябрь,

691-сон

Вазирлар Маҳкамасининг 2020 йил 6 ноябрдаги 691-сон қарорига
1-ИЛОВА

Камолиддин Беҳзод номидаги давлат стипендиясини тайинлаш тартиби тўғрисида

НИЗОМ

1-боб. Умумий қоидалар

  1. Камолиддин Беҳзод номидаги давлат стипендияси (кейинги ўринларда — давлат стипендияси) республика давлат олий таълим муассасаларининг дастгоҳли рангтасвир, рангтасвир (турлари бўйича), графика ва миниатюра, ҳайкалтарошлик (турлари бўйича), амалий санъат (турлари бўйича), дизайн (турлари бўйича), санъатшунослик ва музейшунослик (турлари бўйича) йўналишларининг охирги икки курсида таълим олаётган бакалавриат босқичи талабаларига тайинланади.
  2. Давлат стипендияси давлат олий таълим муассасалари талабаларига Ўзбекистон Бадиий академияси (кейинги ўринларда — Бадиий академия) томонидан ўтказиладиган танлов натижаларига асосан тайинланади.
  3. Давлат стипендияси квотаси қуйидаги таълим йўналишларининг ҳар бири бўйича биттадан алоҳида-алоҳида тақсимланади:

дастгоҳли рангтасвир;

рангтасвир (турлари бўйича);

графика ва миниатюра;

ҳайкалтарошлик (турлари бўйича);

амалий санъат (турлари бўйича);

дизайн (турлари бўйича);

санъатшунослик ва музейшунослик (турлари бўйича).

Ушбу рўйхатга Вазирлар Маҳкамаси томонидан ҳар ўқув йили бошида таълим йўналишларидаги устуворликларни ўзгартириш мақсадга мувофиқлигидан келиб чиққан ҳолда Бадиий академия тавсиясига биноан ўзгартириш ва қўшимчалар киритилиши мумкин.

  1. Давлат стипендиясини тайинлаш ушбу Низомга иловадаги схема бўйича амалга оширилади.

2-боб. Баҳолаш мезонлари

  1. Давлат стипендиясини тайинлаш қуйидаги талаблар бўйича ушбу Низомга 1-иловага мувофиқ баҳолаш мезонларига асосланади:

а) дастгоҳли рангтасвир, рангтасвир (турлари бўйича), графика ва миниатюра, ҳайкалтарошлик (турлари бўйича), амалий санъат (турлари бўйича), дизайн (турлари бўйича) йўналишлари бўйича:

олий таълим муассасасидаги таҳсил даврида вилоят, республика ва халқаро миқёсдаги шахсий кўргазмасини ташкил этганлиги;

соҳа бўйича халқаро ва республика даражасидаги кўргазма, биеннале, фестиваль, симпозиум, танлов ва бошқа нуфузли тадбирлардаги иштироки ва натижаларга эришганлиги;

ўқув жараёнида мутахассислик фанларини аъло баҳоларга ўзлаштирганлиги;

ўзбек миллий санъатини тарғиб қилишга қўшган ҳиссаси.

б) санъатшунослик ва музейшунослик (турлари бўйича) йўналишлари бўйича:

олий таълим муассасасидаги таҳсил даврида республика ва халқаро миқёсдаги илмий журналларда якка муаллифликда мақолалар чоп этганлиги;

соҳа бўйича халқаро ва республика даражасидаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардаги иштироки ва натижаларга эришганлиги;

ўқув жараёнида мутахассислик фанларини аъло баҳоларга ўзлаштирганлиги;

ўзбек миллий санъатини тарғиб қилишга қўшган ҳиссаси.

3-боб. Давлат стипендиясига талабгорлар ҳақидаги маълумотларни кўриб чиқиш

  1. Давлат стипендиясига талабгорлар дастлабки кўриб чиқиш учун олий таълим муассасаларининг илмий кенгашига қуйидагиларни тақдим қилади:

а) дастгоҳли рангтасвир, рангтасвир (турлари бўйича), графика ва миниатюра, ҳайкалтарошлик (турлари бўйича), амалий санъат (турлари бўйича), дизайн (турлари бўйича) йўналишлари бўйича:

вилоят, республика ва халқаро миқёсдаги шахсий кўргазмасини ташкил этганлигини тасдиқловчи маълумотномалар, диплом нусхалари, шахсий кўргазма ҳақидаги фотосуратлар;

соҳа бўйича халқаро ва республика даражасидаги кўргазма, биеннале, фестиваль, симпозиум, танлов ва бошқа нуфузли тадбирлардаги иштирокини тасдиқловчи маълумотномалар, сертификатлар нусхалари ва эришган натижаларини кўрсатувчи дипломлар нусхалари, тадбирлар фотолари;

турли фестиваллар, симпозиумлар, анжуманлар ва бошқа тадбирларда иштирокини тасдиқловчи дипломлар, сертификатлар нусхалари, маълумотномалар, тадбирлар фотолари;

рейтинг дафтарчасидан ёки талабалар билимини назорат қилиш ва рейтинг тизимидан юклаб олинган кўчирма;

деканат, кафедранинг тавсияномаси;

ижодий ишлар рўйхати ва уларнинг босма нусхалари;

соҳа бўйича камида икки нафар етук мутахассиснинг фикрномаси;

ўқиш даврида эришган бошқа ютуқларни тасдиқловчи ҳужжатлар илова қилинади;

б) санъатшунослик ва музейшунослик (турлари бўйича) йўналишлари бўйича:

республика ва халқаро миқёсдаги илмий журналларда чоп этилган мақолалар нусхалари;

халқаро ва республика даражасидаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардаги иштироки ва эришган натижаларини тасдиқловчи диплом, сертификатлар нусхалари, илмий мақолалари нусхалари;

турли фестиваллар, симпозиумлар, анжуманлар ва бошқа тадбирларда иштирокини тасдиқловчи дипломлар, сертификатлар нусхалари, маълумотномалар, тадбирлар фотолари;

рейтинг дафтарчасидан ёки талабалар билимини назорат қилиш ва рейтинг тизимидан юклаб олинган кўчирма;

деканат, кафедранинг тавсияномаси;

илмий ишлар рўйхати;

соҳа бўйича камида икки нафар етук мутахассиснинг фикрномаси;

оммавий ахборот воситаларидаги чиқишлари, соҳага доир кўрсатувлардаги иштирокини тасдиқловчи маълумотномалар, кўрсатувлар нусхалари, илмий ва оммабоп журналлар, газеталарда чоп этилган илмий-оммабоп, публицистик мақолалари нусхалари;

ўқиш даврида эришган бошқа ютуқларни тасдиқловчи ҳужжатлар илова қилинади.

Барча ҳужжатлар йиғмажилдга жойланган ҳолда тақдим этилади. Муқовада талабгор таҳсил оладиган олий таълим муассасасининг номи, талабгорнинг фамилияси, исми ва отасининг исми, факультети, курси, гуруҳи кўрсатилади.

  1. Давлат стипендиясини тайинлаш учун номзодлар кўрсатиш талабгорларнинг ўқув ва ижодий (илмий) фаолияти мазкур Низомга 2-иловада келтирилган баҳолаш мезонлари орқали баҳоланган ҳолда давлат олий таълим муассасалари илмий кенгашлари томонидан амалга оширилади.
  2. Илмий кенгашлар қарори, номзодлар ҳамда уларнинг эришган ютуқлари ҳақидаги маълумотлар бир ҳафта муддатда олий таълим муассасаларининг веб-сайтларида ҳамда ижтимоий тармоқлардаги расмий саҳифаларида эълон қилинади.

Илмий кенгашларнинг қарорлари тизимида давлат олий таълим муассасалари бўлган вазирликлар ва идораларнинг Бадиий академияга давлат стипендиясини тайинлаш тўғрисида тавсияномаларни жўнатиши учун асос бўлади.

Бадиий академияга давлат стипендиясини тайинлаш тўғрисида тавсияномалар ҳар йили 1 июлгача етказилади.

  1. Бадиий академия давлат стипендиясини тайинлаш ҳақидаги тавсияномаларни йилига бир марта кўриб чиқади. Кўриб чиқиш муддати — ҳар йили 10 — 25 июль.
  2. Бадиий академия давлат стипендиясига талабгорлар орасидан муносибини танлаб олиш мақсадида Бадиий академия раисининг буйруғи билан 9 — 15 нафар аъзодан иборат Эксперт гуруҳи тузилади.

Эксперт гуруҳи таркиби Бадиий академиянинг ҳақиқий аъзолари, Ўзбекистон халқ рассомлари, халқ усталари, Бадиий ижодкорлар уюшмасининг аъзолари, соҳа бўйича етук мутахассислар ва профессор-ўқитувчилар ҳамда Бадиий академия ходимларидан шакллантирилади.

Номзодларни саралаш жараёнларида тўлақонли шаффофликни таъминлаш ҳамда келгусида коррупция омиллари келиб чиқишининг олдини олиш мақсадида дастлабки саралашда олий таълим муассасаларининг илмий кенгашлари таркибига кирган, шунингдек, номзод билан қариндошлик, устоз-шогирдлик алоқалари бўлган мутахассисларнинг Эксперт гуруҳи таркибига киритилишига йўл қўйилмайди.

  1. Эксперт гуруҳининг ҳуқуқ ва мажбуриятлари қуйидагилардан иборат:

а) Эксперт гуруҳининг ҳуқуқлари:

заруратга кўра тегишли вазирликлар ва идоралар ҳамда олий таълим муассасаларининг мутахассисларини жалб этади;

вазирликлар ва идоралар ҳамда олий таълим муассасаларидан номзодлар тўғрисида зарур ахборотларни олади;

ўз ваколатлари доирасида мазкур Низомга ўзгартириш ва қўшимчалар киритиш тўғрисида таклифлар киритади;

б) Эксперт гуруҳи аъзоси:

Эксперт гуруҳи ишида қатнашиш ҳамда номзодларнинг ҳужжатларини ҳар томонлама адолатли, шаффоф ва холисона кўриб чиқишга;

Эксперт гуруҳи томонидан қарорлар қабул қилинишида овоз беришда қатнашишга;

кўриб чиқиш учун киритилаётган номзодлар ҳужжатлари бўйича ушбу Низом талаблари бўйича тегишли хулосаларни ўз вақтида тақдим этишга;

ушбу Низом талабларига риоя қилишга мажбурдир.

  1. Эксперт гуруҳи талабгорларнинг ҳар бири бўйича тақдим этилган ҳужжатларни ўрганиб чиқади.

Эксперт гуруҳи йиғилиши унинг аъзоларининг камида учдан икки қисми иштирок этганда ўтказилган ҳисобланади. Мазкур Низомга иловада келтирилган баҳолаш мезонларига кўра ҳар бир йўналиш бўйича энг юқори балл тўплаган талабгор давлат стипендиясига тавсия этилади.

Эксперт гуруҳининг қарори Бадиий академия раисининг буйруғи билан тасдиқлангандан сўнг кучга киради.

Эксперт гуруҳи йиғилишида тегишли вазирликлар ва идораларнинг вакиллари кузатувчи сифатида таклиф этилиши мумкин.

  1. Бадиий академия раисининг буйруғи давлат олий таълим муассасаларининг талабаларига давлат стипендиясини тайинлаш ва тўлаш ҳақидаги буйруқларни расмийлаштириш учун асос бўлади.

Давлат стипендияси 1 сентябрдан бошлаб бир ўқув йили муддатига белгиланган миқдорга мувофиқ тайинланади. Стипендияларни янги муддатга қайтадан тайинлаш ҳам айнан шу тартибда амалга оширилади. Бунда такроран иштирок этаётган номзоднинг олдин тақдим этган ҳужжатлари инобатга олинмайди.

  1. Давлат стипендиясига сазовор бўлган талабаларга Бадиий академия раисининг буйруғи билан тасдиқланган «Камолиддин Беҳзод номидаги давлат стипендиясининг соҳиби» гувоҳномаси берилади.

Гувоҳнома шакли Ўзбекистон Бадиий академияси раиси томонидан тасдиқланади.

Гувоҳнома талабаларга Бадиий академия томонидан тантанали равишда топширилади.

  1. Давлат стипендиясига сазовор бўлган талабалар бакалавриат босқичини тамомлаганидан сўнг бир йил мобайнида тегишли мутахассислик бўйича магистратурага кириш имтиҳонларисиз, грант асосида қабул квотасидан ташқари қабул қилинади.
  2. Давлат стипендияси соҳиблари ўқишни тамомлаганларидан сўнг бир йил мобайнида магистратурада ўқишни давом эттириш учун хорижга юборилаётган ёшлар гуруҳлари таркибига киритилишида устунликка эга бўлиш ҳуқуқини сақлаб қоладилар.
  3. Талабаларни кундалик дарсларни ўзлаштирмаганлик, ўқув интизоми ва олий таълим муассасалари ички тартиб-қоидаларини бузганлик учун ўқув йили мобайнида давлат стипендиясидан маҳрум қилиш тизимида давлат олий таълим муассасалари бўлган вазирликлар ва идораларнинг тақдимномаларига биноан Бадиий академия Эксперт гуруҳининг қарори билан амалга оширилиши мумкин.
  4. Давлат стипендияси учун танлов ўтказилиши даврида белгиланган тартибда норозилик (апелляция) аризаларини кўриб чиқиш учун Бадиий академиянинг ҳақиқий аъзолари, Ўзбекистон халқ рассомлари, халқ усталари, Бадиий ижодкорлар уюшмасининг аъзолари, соҳа бўйича етук мутахассислар ва профессор-ўқитувчилардан камида 7 кишидан иборат апелляция комиссияси ташкил этилади.

Апелляция комиссияси таркиби Бадиий академия раисининг буйруғи билан тасдиқланади.

Норозилик (апелляция) аризалари танлов натижалари эълон қилинган вақтдан бошлаб 24 соат ичида қабул қилинади ва апелляция комиссияси томонидан мурожаат қилганларнинг сонидан келиб чиққан ҳолда бир кундан уч кунгача бўлган муддатда кўриб чиқилади.

Апелляция комиссияси аъзоларнинг камида учдан икки қисми иштирок этганда ваколатли ҳисобланади.

Норозилик (апелляция) аризаларини кўриб чиқишда апелляция комиссияси номзодларнинг барча ҳужжатларини мазкур Низомга иловада келтирилган баҳолаш мезонлари асосида ҳар томонлама ўрганади.

Номзодларнинг норозилик (апелляция) аризаларини кўриб чиқиш натижаси бўйича апелляция комиссияси қуйидаги қарорлардан бирини қабул қилади:

қўйилган балларни ўзгаришсиз қолдиради;

қўйилган балларни ўзгартиради.

Номзодларнинг апелляция шикоятини кўришда унинг илгари олган баллини пасайтиришга йўл қўйилмайди.

Апелляция комиссияси таркибига Эксперт гуруҳи аъзоларининг киритилиши тақиқланади.

Эксперт гуруҳи аъзоси апелляция жараёнида қатнашиш ва ўз фикрини билдириш ҳуқуқига эга.

4-боб. Якунловчи қоидалар

  1. Ушбу Низомни қўллашда юзага келадиган низолар қонун ҳужжатларида белгиланган тартибда ҳал этилади.
  2. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

Камолиддин Беҳзод номидаги давлат стипендиясини тайинлаш тартиби тўғрисидаги низомга
1-ИЛОВА

Камолиддин Беҳзод номидаги давлат стипендиясини тайинлаш

СХЕМАСИ

Босқичлар

 

Субъектлар

 

Амалга ошириш механизми

 

Бажариш муддати

   
        

1-босқич

 

Талабгор

 

Давлат стипендиясига ҳужжатларни дастлабки кўриб чиқиш учун олий таълим муассасаларининг илмий кенгашига тақдим этиш.

 

ҳар йили 1 июнга қадар

   
        

2-босқич

 

Олий таълим муассасаларининг илмий кенгашлари

 

Давлат стипендиясига талабгорлар томонидан тақдим этилган ҳужжатларни кўриб чиқиш.

 

ҳар йили 15 июнга қадар

   
        

3-босқич

 

Олий таълим муассасалари

 

1. Илмий кенгашлар қарори, номзодлар ҳамда уларнинг эришган ютуқлари ҳақидаги маълумотларни олий таълим муассасаларининг веб-сайтларида эълон қилиш.

2. Илмий кенгашларнинг қарорларига асосан талабгорларнинг ҳужжатларини бўйсинуви бўйича тегишли вазирликлар ва идораларга тақдим этиш.

 

ҳар йили 25 июнга қадар

   
        

4-босқич

 

Тизимида олий таълим муассасалари бўлган вазирликлар ва идоралар

 

Бадиий академияга талабгорларнинг йиғма жилдлари ҳамда давлат стипендиясини тайинлаш тўғрисидаги тавсияномаларни жўнатиш.

 

ҳар йили 1 июлга қадар

   
   
       

5-босқич

 

Бадиий академия

 

1. Талабгорларнинг йиғма жилдлари ҳамда давлат стипендиясини тайинлаш ҳақидаги тавсияномаларни кўриб чиқиш.

 

ҳар йили 10 — 25 июль

  

2. Талабгорларга давлат стипендиясини тайинлаш ва тўлаш ҳақидаги буйруқни қабул қилиш ҳамда тизимида олий таълим муассасалари бўлган вазирлик ва идораларга етказиш.

 

ҳар йили 10 августга қадар

  

3. «Камолиддин Беҳзод номидаги давлат стипендиясининг соҳиби» гувоҳномасини тантанали равишда топшириш.

 

ҳар йили 20 августга қадар

Камолиддин Беҳзод номидаги давлат стипендиясини тайинлаш тартиби тўғрисидаги низомга
2-ИЛОВА

Камолиддин Беҳзод номидаги давлат стипендиясини тайинлаш бўйича баҳолаш

МЕЗОНЛАРИ

Т/р

Баҳолаш объекти

Балл

1.

Дастгоҳли рангтасвир, рангтасвир (турлари бўйича), графика ва миниатюра, ҳайкалтарошлик (турлари бўйича), амалий санъат (турлари бўйича), дизайн (турлари бўйича) йўналишлари бўйича баҳолаш мезонлари

жами 100 балл

а)

олий таълим муассасасидаги таҳсил даврида вилоят, республика ва халқаро миқёсидаги шахсий кўргазмасини ташкил этганлиги:

25 баллгача

халқаро миқёсидаги шахсий кўргазмаси учун

12 баллгача

республика миқёсидаги шахсий кўргазмаси учун

8 баллгача

Қорақалпоғистон Республикаси, Тошкент шаҳар ва вилоятлар миқёсидаги шахсий кўргазмаси учун

5 баллгача

б)

соҳа бўйича халқаро ва республика даражасидаги кўргазма, биеннале, фестиваль, симпозиум, танлов ва бошқа нуфузли тадбирлардаги иштироки ва натижаларга эришганлиги:

35 баллгача

халқаро даражадаги кўргазма, биеннале, фестиваль, симпозиум, танлов ва бошқа нуфузли тадбирларда совринли ўринни олганлиги учун

15 баллгача

халқаро даражадаги кўргазма, биеннале, фестиваль, симпозиум, танлов ва бошқа нуфузли тадбирлардаиштирок этганлиги учун

10 баллгача

республика даражасидаги кўргазма, биеннале, фестиваль, симпозиум, танлов ва бошқа нуфузли тадбирларда совринли ўринни олганлиги учун

7 баллгача

республика даражасидаги кўргазма, биеннале, фестиваль, симпозиум, танлов ва бошқа нуфузли тадбирлардаиштирок этганлиги учун

3 баллгача

в)

ўқув жараёнида мутахассислик фанларини аъло баҳоларга ўзлаштирганлиги:

25 баллгача

охирги ўқув йилидаги жами аъло баҳолар 95 — 100 фоизгача бўлганда

12 баллгача

охирги ўқув йилидаги жами аъло баҳолар 90 — 95 фоизгача бўлганда

8 баллгача

охирги ўқув йилидаги жами аъло баҳолар 86 — 90 фоизгача бўлганда

5 баллгача

г)

Ўзбек миллий санъатини тарғиб қилишга қўшган ҳиссаси:

15 баллгача

хорижий оммавий ахборот воситаларидаги чиқиши учун

10 баллгача

республика оммавий ахборот воситаларидаги чиқиши учун

5 баллгача

2.

Санъатшунослик ва музейшунослик (турлари бўйича) йўналишлари бўйича баҳолаш мезонлари

жами 100 балл

а)

олий таълим муассасасидаги таҳсил даврида республика ва халқаро миқёсдаги илмий журналларда якка муаллифликдаги мақолалар чоп этганлиги:

25 баллгача

 

халқаро миқёсдаги илмий журналлардаги мақолалари учун

15 баллгача

 

республика миқёсидаги илмий журналлардаги мақолалари учун

10 баллгача

б)

соҳа бўйича халқаро ва республика даражасидаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардаги иштироки ва натижаларга эришганлиги:

35 баллгача

 

халқаро даражадаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардамаъруза билан иштирок этганлиги учун

10 баллгача

халқаро даражадаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардаиштирок этганлиги учун

9 баллгача

республика даражасидаги кўргазмаларда кураторлик қилганлиги учун

7 баллгача

республика даражасидаги илмий конференция, семинар, фестиваль, симпозиум, биеналле, танлов ва бошқа нуфузли тадбирлардамаъруза билан иштирок этганлиги учун

6 баллгача

республика даражасидаги илмий конференция, семинар, фестиваль, симпозиум, биеннале, танлов ва бошқа нуфузли тадбирлардаиштирок этганлиги учун

3 баллгача

в)

ўқув жараёнида мутахассислик фанларини аъло баҳоларга ўзлаштирганлиги:

25 баллгача

охирги ўқув йилидаги жами аъло баҳолар 95 — 100 фоизгача бўлганда

12 баллгача

охирги ўқув йилидаги жами аъло баҳолар 90 — 95 фоизгача бўлганда

8 баллгача

охирги ўқув йилидаги жами аъло баҳолар 86 — 90 фоизгача бўлганда

5 баллгача

г)

Ўзбек миллий санъатини тарғиб қилишга қўшган ҳиссаси:

15 баллгача

хорижий оммавий ахборот воситаларидаги чиқиши учун

10 баллгача

республика оммавий ахборот воситаларидаги чиқиши учун

5 баллгача

Изоҳ. Ҳар бир мезон бўйича қўйилган талабларнинг нуфузи, сони, сифати ва мазмунидан келиб чиққан ҳолда балл миқдорлари белгиланади.

Вазирлар Маҳкамасининг 2020 йил 6 ноябрдаги 691-сон қарорига
2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

  1. Вазирлар Маҳкамасининг 2008 йил 13 октябрдаги 226-сон қарори (Ўзбекистон Республикаси ҚТ, 2008 й., 10-сон, 55-модда) билан тасдиқланган Давлат стипендиялари ва уларни тайинлаш тартиби тўғрисидаги низомнинг (3-илова) 1-бандига қуйидаги мазмундаги хатбоши қўшилсин:

«Ушбу Низом Камолиддин Беҳзод номидаги давлат стипендиясини тайинлаш тартибига нисбатан татбиқ этилмайди»;

  1. Вазирлар Маҳкамасининг «Олий таълим муассасалари талабаларига тўланадиган стипендиялар миқдорларини белгилаш ҳамда стипендиялар тайинлаш ва тўлаш тартибини такомиллаштириш чора-тадбирлари тўғрисида» 2020 йил 31 январдаги 59-сон қарорида (Ўзбекистон Республикаси ҚТ, 2020 й., 1-сон, 21-модда):

а) Олий таълим муассасалари талабаларига стипендиялар тайинлаш ва тўлаш тартиби тўғрисидаги низомнинг (1-илова) 10-бандига қуйидаги мазмундаги иккинчи хатбоши қўшилсин:

«Ушбу Низом Камолиддин Беҳзод номидаги давлат стипендиясини олувчи талабаларга стипендиялар тайинлаш тартибига нисбатан татбиқ этилмайди»;

б) Олий таълим муассасалари талабалари учун стипендияларнинг белгиланган миқдорларининг (2-илова) «Стипендия номи ва қўшимча тўловлар» устуни 2-позицияси қуйидаги таҳрирда баён қилинсин:

«Беруний, Ибн Сино, Навоий, Улуғбек, Имом ал-Бухорий, Ислом Каримов ва Камолиддин Беҳзод номидаги давлат стипендиялари».

(Қонун ҳужжатлари маълумотлари миллий базаси, 07.11.2020 й., 09/20/691/1474-сон)

 

Ўзбекистон Республикаси Вазирлар Маҳкамасининг қарори

Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида (Ўзбекистон Республикаси Президентининг «Тасвирий ва амалий санъат соҳаси самарадорлигини янада оширишга доир чора-тадбирлари тўғрисида» 2020 йил 21 апрелдаги ПҚ-4688-сон қарори)

 

Ўзбекистон Республикаси Президентининг «Тасвирий ва амалий санъат соҳаси самарадорлигини янада оширишга доир чора-тадбирлар тўғрисида» 2020 йил 21 апрелдаги ПҚ-4688-сон қарори ижросини таъминлаш мақсадида Вазирлар Маҳкамаси қарор қилади:

  1. Ўзбекистон Республикаси Ҳукуматининг иловага мувофиқ айрим ҳужжатларига ўзгартириш ва қўшимчалар киритилсин.
  2. Ўзбекистон Бадиий академияси бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
  3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б. Мусаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 21 август,

499-сон

Вазирлар Маҳкамасининг 2020 йил 21 августдаги 499-сон қарорига
ИЛОВА

Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

  1. Вазирлар Маҳкамасининг «Ўзбекистон иқтидорли ёшларини тақдирлаш ва моддий рағбатлантириш тўғрисида» 2008 йил 13 октябрдаги 226-сон қарорида:

а) 1-банднинг олтинчи хатбошидаги «касб-ҳунар коллежлари» сўзлари «профессионал таълим муассасалари» сўзлари билан алмаштирилсин;

б) қарорга 4-иловада:

1-банд қуйидаги таҳрирда баён этилсин:

«Мазкур Низом Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Маданият вазирлиги, Жисмоний тарбия ва спорт вазирлиги ҳамда Бадиий академия қарорларига кўра ўтказиладиган республика мусобақаларини: академик лицейлар, профессионал таълим муассасалари ва умумтаълим мактаблари ўқувчиларининг умумтаълим фанлари бўйича олимпиадаларини, ўқувчиларнинг бадиий-ижодий ихтисосликлар бўйича танловларини, спортнинг шахсий ва команда турлари бўйича спорт мусобақаларини ташкил этишнинг умумий принципларини белгилайди»;

4-бандда:

иккинчи хатбошидаги «мусиқа мактаблари ва санъат мактаблари» сўзлари «мусиқа ва санъат мактаблари» сўзлари билан алмаштирилсин;

учинчи ва тўртинчи хатбошилар қуйидаги таҳрирда баён этилсин:

«профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари ўқувчиларининг иккита гуруҳи ўртасида ўтказилади.

Ўзбекистон Республикаси Маданият вазирлиги, Олий ва ўрта махсус таълим вазирлиги ҳамда Бадиий академия танлов ихтисосликлари ва шартлар рўйхатини ва танловлар шартларини тасдиқлайди»;

бешинчи хатбошидаги «мусиқа мактаблари ва санъат мактаблари» сўзлари «мусиқа ва санъат мактаблари» сўзлари билан алмаштирилсин;

ўн биринчи хатбоши қуйидаги таҳрирда баён этилсин:

«Профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари ўқувчиларининг ижодий танловлари мусиқа ижрочилари ўртасида ҳар икки йилда бир марта, уч турда ўтказилади»;

ўн учинчи хатбошига «зиммасига» сўзидан кейин «Бадиий академияга» сўзлари қўшилсин;

5-банднинг саккизинчи хатбоши қуйидаги таҳрирда баён этилсин:

«Спорт мусобақалари босқичларини ташкил этиш учун масъулият тегишли равишда академик лицейлар, профессионал таълим муассасалари ва умумтаълим мактаблари, Ўзбекистон Республикаси Жисмоний тарбия ва спорт вазирлигининг ҳудудий бўлинмалари, тўртинчи финал босқичи бўйича эса — Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Жисмоний тарбия ва спорт вазирлиги раҳбарлари зиммасига юкланади»;

6-банддаги «касб-ҳунар коллежлари» сўзлари «профессионал таълим муассасалари» сўзлари билан алмаштирилсин;

7-банднинг биринчи хатбоши қуйидаги таҳрирда баён этилсин:

«Республика мусобақаларини ўтказиш бўйича бутун тадбирлар комплексини бажариш учун Ўзбекистон Республикаси Олий ва ўрта махсус таълим вазирлиги, Вазирлар Маҳкамаси ҳузуридаги Давлат тест маркази, Халқ таълими вазирлиги, Маданият вазирлиги, Жисмоний тарбия ва спорт вазирлиги, Бадиий академия ҳамда уларнинг ҳудудий бўлинмалари ўз буйруқлари билан ташкилий қўмиталар, жюрилар, ҳакамлар ҳайъатлари, апелляция комиссиялари ва бошқа тузилмаларни ташкил этадилар»;

9-банд қуйидаги таҳрирда баён этилсин:

«Академик лицейлар, профессионал таълим муассасалари ва умумтаълим мактаблари ўқувчилари мусобақаларини маблағ билан таъминлаш Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Маданият вазирлиги, Жисмоний тарбия ва спорт вазирлиги ҳамда Бадиий академия томонидан тасдиқланадиган, ушбу мақсадлар учун назарда тутилган маблағлар доирасида тузилган сметалар бўйича амалга оширилади»;

10-банддаги «Олий ва ўрта махсус таълим вазирлигининг Ўрта махсус, касб-ҳунар таълими маркази» сўзлари «Олий ва ўрта махсус таълим вазирлиги» сўзлари билан алмаштирилсин;

11-банд қуйидаги таҳрирда баён этилсин:

«Олимпиада, танлов ва мусобақанинг ҳар бир фани учун халқаро ва республика мусобақалари ғолиблари тест синовисиз ҳамда қўшимча имтиҳонсиз қабул қилинадиган, шунингдек, касбий (ижодий) имтиҳонларнинг фан мажмуаларидан бирига имтиёз бериладиган соҳа ихтисосликлари рўйхати ҳар йили Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади»;

в) қарорга 5-иловада:

номидаги «касб-ҳунар коллежлари» сўзлари «профессионал таълим муассасалари» сўзлари билан алмаштирилсин;

1-банд қуйидаги таҳрирда баён этилсин:

«Ушбу Низом умумтаълим фанлари бўйича академик лицейлар, профессионал таълим муассасалари ва умумтаълим мактаблари ўқувчиларининг расмий халқаро ва республика олимпиадалари, бадиий-ижодий ихтисосликлар бўйича профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари ва умумтаълим мактаблари ўқувчиларининг танловлари, спорт мусобақалари (спортнинг олимпия турлари, шу жумладан спортнинг техник ва амалий турлари, «Кураш» миллий спорт тури, шахмат, шашка, автомобиль ва мотоцикл спорти, спортнинг авиамодель ва ракетамодель турлари бўйича) ғолибларига татбиқ этилади ҳамда таълим муассасаларига имтиёзли кириш ва пул мукофотлари олиш тартибини белгилайди»;

2-банд қуйидаги таҳрирда баён этилсин:

«Республика (1-ўрин) ва халқаро танловлар ва мусобақаларнинг (Олимпия ўйинларида, Осиё ўйинларида, жаҳон чемпионатида ва Осиё чемпионатида 1 — 3-ўринлар) индивидуал турларида ғолиб чиққан академик лицейлар, профессионал таълим муассасалари ва умумтаълим мактабларининг битирувчилари олий таълим муассасасига тест синовларисиз ва қўшимча имтиҳонсиз қабул қилинадилар, тасвирий ва амалий санъат ҳамда дизайн йўналишларидаги танловлар бундан мустасно»;

қуйидаги мазмундаги 22-банд қўшилсин:

«Тасвирий ва амалий санъат ҳамда дизайн йўналишларидаги республика (1-ўрин) ва халқаро танловларда (1 — 3-ўринлар) ғолиб чиққан профессионал таълим муассасалари, ихтисослаштирилган санъат ва маданият мактаблари ҳамда мактаб-интернатлари ва умумтаълим мактабларининг битирувчиларига олий таълим муассасаларининг касбий (ижодий) имтиҳонларида соҳа бўйича энг юқори балл белгиланган фандан максимал балл олиш имтиёзи берилади.

Агар касбий (ижодий) имтиҳонларда энг юқори балл бир нечта фанлардан белгиланган бўлса, абитуриентга имтиёзли максимал балл олиш учун фанлардан бирини танлаш ҳуқуқи берилади.

Агар айрим таълим йўналишларида 1 та фандан касбий (ижодий) имтиҳон ўтказиш белгиланган бўлса, абитуриентга мазкур фан бўйича максимал балл берилади»;

8-банднинг биринчи хатбоши қуйидаги таҳрирда баён этилсин:

«Халқаро ва республика олимпиадалари, танловлари ва мусобақалари ғолибларини тест синовларисиз ва қўшимча имтиҳонсиз, шунингдек, касбий (ижодий) имтиҳонларнинг фан мажмуаларидан бирига имтиёз орқали олий таълим муассасасига қабул қилиш учун ҳужжатларни расмийлаштириш Вазирлар Маҳкамасининг «Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида» 2019 йил 7 июндаги 468-сон қарорида назарда тутилган имтиёзларни бериш учун масъул ваколатли органлар таъсис этадиган махсус гувоҳнома асосида амалга оширилади»;

9 ва 10-бандлар қуйидаги таҳрирда баён этилсин:

«Халқаро олимпиадалар, танловлар ва мусобақаларнинг ғолиблари Ўзбекистон Республикаси Олий ва ўрта махсус таълим вазирлигига, Маданият вазирлигига, Жисмоний тарбия ва спорт вазирлигига ҳамда Бадиий академияга ўзлари эришган натижаларни тасдиқловчи дипломларни (1 — 3-ўринлар) ёки жюри қарорини, сертификатларни (4-5-ўринлар) махсус гувоҳномалар берилиши учун асос сифатида тақдим этадилар.

Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Маданият вазирлиги, Жисмоний тарбия ва спорт вазирлиги ҳамда Бадиий академия назорат тартибида, ғолибларга берилган махсус гувоҳномаларнинг реестри билан битирувчилар рўйхатини тест синовлари ўтказиладиган кундан олдин Ўзбекистон Республикаси таълим муассасаларига ўқишга қабул қилиш бўйича давлат комиссиясига тақдим этадилар»;

13 ва 14-бандлар қуйидаги таҳрирда баён этилсин:

«Олимпиадалар, танловлар ва мусобақалар ғолибларини моддий рағбатлантириш учун маблағлар Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Маданият вазирлиги, Жисмоний тарбия ва спорт вазирлиги ҳамда Бадиий академия сметаларида назарда тутилади.

Ғолибларга дипломлар, махсус гувоҳномалар ва пул мукофотлари Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Маданият вазирлиги, Жисмоний тарбия ва спорт вазирлиги ҳамда Бадиий академия томонидан тантанали вазиятда топширилади»;

16-банднинг биринчи хатбоши қуйидаги таҳрирда баён этилсин:

«Махсус гувоҳномалар рўйхатдан ўтказилган тартиб рақамига эга бўлиб, қатъий ҳисобот ҳужжатлари тоифасига киради, имтиёзга эга бўлган абитуриентлар тоифаси ҳамда уларнинг реестри Вазирлар Маҳкамасининг «Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида» 2019 йил 7 июндаги 468-сон қарорида назарда тутилган имтиёзларни бериш учун масъул ваколатли органлар томонидан шакллантириб борилади».

  1. Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг бакалавриатига талабаларни ўқишга қабул қилиш тартиби тўғрисидаги низомнинг 23-бандида:

а) биринчи хатбоши қуйидаги таҳрирда баён этилсин:

«Ўзбекистон Республикаси Президентининг «Ўзбекистон ўқувчи ёшларини рағбатлантириш чоралари тўғрисида» 1993 йил 5 февралдаги ПФ-555-сон Фармонига мувофиқ ҳамда Вазирлар Маҳкамасининг «Ўзбекистон иқтидорли ёшларини тақдирлаш ва моддий рағбатлантириш тўғрисида» 2008 йил 13 октябрдаги 226-сон қарорига 5-илова билан тасдиқланган Халқаро ва республика олимпиадалари, танловлари, мусобақалари ғолиблари бўлган академик лицейлар, профессионал таълим муассасалари ва умумтаълим мактаблари ўқувчиларини тақдирлаш тартиби тўғрисидаги низом ҳамда Республика олимпиадалари, танловлари ва спорт мусобақаларини ўтказиш тўғрисидаги низомлар асосида халқаро ва республика олимпиадалари, танловлари ва мусобақалари ғолиблари ҳамда Вазирлар Маҳкамасининг «Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида» 2019 йил 7 июндаги 468-сон қарорида назарда тутилган имтиёзларни бериш учун масъул ваколатли органлар таъсис этадиган махсус гувоҳномани олганлар Давлат комиссиясининг қарори билан тегишли олий таълим муассасаларининг мос таълим йўналишларига танловдан ташқари кириш имтиҳонлари (тест синовлари, касбий (ижодий) имтиҳон, ёзма имтиҳон)сиз давлат грантлари асосида қабул қилинадилар»;

б) еттинчи хатбошидаги «Бадиий академиянинг тасвирий санъат бўйича республика танлови ғолиблари» сўзлари чиқариб ташлансин;

в) қуйидаги мазмундаги ўн иккинчи хатбоши қўшилсин:

«Бадиий академиянинг тасвирий ва амалий санъат ҳамда дизайн йўналишлари бўйича республика танлови ҳамда мазкур йўналишлардаги халқаро танловларнинг ғолибларига Давлат комиссиясининг қарори билан тегишли олий таълим муассасаларининг касбий (ижодий) имтиҳонларида соҳа бўйича энг юқори балл белгиланган фандан максимал балл олиш имтиёзи берилади.

Агар касбий (ижодий) имтиҳонларда энг юқори балл бир нечта фанлардан белгиланган бўлса, абитуриентга имтиёзли максимал балл олиш учун фанлардан бирини танлаш ҳуқуқи берилади.

Агар айрим таълим йўналишларида битта фандан касбий (ижодий) имтиҳон ўтказиш белгиланган бўлса, абитуриентга мазкур фан бўйича максимал балл берилади».

  1. Вазирлар Маҳкамасининг 2017 йил 1 декабрдаги 957-сон қарори билан тасдиқланган Ўзбекистон Бадиий академиясининг уставида:

а) 3-банд қуйидаги таҳрирда баён этилсин:

«Бадиий академия ўз фаолиятини Ўзбекистон Республикаси Президентининг «Ўзбекистон Бадиий академиясини ташкил этиш ҳақида» 1997 йил 23 январдаги ПФ-1701-сон Фармонига, шунингдек, «Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида» 2017 йил 16 августдаги ПҚ-3219-сон ҳамда «Тасвирий ва амалий санъат соҳаси самарадорлигини янада оширишга доир чора-тадбирлар тўғрисида» 2020 йил 21 апрелдаги ПҚ-4688-сон қарорларига мувофиқ амалга оширади.»;

б) 8-банднинг ўн биринчи — ўн саккизинчи хатбошилари қуйидаги таҳрирда баён этилсин:

«Ўзбекистон Бадиий ижодкорлар уюшмаси ҳамда унинг Қорақалпоғистон Республикаси ва вилоятлардаги ҳудудий бўлимлари;

Ўзбекистон Бадиий ижодкорлар уюшмасининг Қорақалпоғистон Республикаси, Тошкент шаҳри ва вилоятлардаги галереялари;

Камолиддин Беҳзод номидаги Миллий рассомлик ва дизайн институти;

ихтисослаштирилган санъат мактаблари ҳамда мактаб-интернатлари;

Рассомлик маҳорат устахонаси (олий рассомлик курси);

Бадиий таълим йўналишларидаги педагог ва мутахассис кадрларни қайта тайёрлаш ҳамда уларнинг малакасини ошириш маркази фаолият олиб боради.»;

в) 9-бандда:

бешинчи хатбошидаги «Бадиий академияси» сўзлари чиқариб ташлансин;

еттинчи хатбошидаги «мактаб-интернатлари ва ўрта махсус таълим муассасалари» сўзлари «мактаблари ҳамда мактаб-интернатлари» сўзлари билан алмаштирилсин;

г) 10-бандда:

«б» кичик бандда:

учинчи хатбоши қуйидаги таҳрирда баён этилсин:

«бадиий таълимнинг изчиллигини кучайтириш, таълимнинг узвийлиги ва узлуксизлигини таъминлаш мақсадида бошланғич, умумий ўрта, ўрта махсус, олий ва ундан кейинги таълим тизимини мувофиқлаштиришда иштирок этади ҳамда тасвирий ва амалий санъат, дизайн, санъатшунослик ҳамда музейшунослик соҳасида педагог ва мутахассис кадрларни тайёрлаш, қайта тайёрлаш ва малакасини ошириш бўйича таълим тизимини мунтазам такомиллаштириб боради»;

бешинчи хатбошига «санъат» сўзидан кейин «мактаблари ҳамда» сўзлари қўшилсин;

«в» кичик банднинг бешинчи хатбоши қуйидаги таҳрирда баён этилсин:

«долзарб илмий-ижодий муаммолар ҳамда буюк мутафаккирлар, машҳур фан, адабиёт ва санъат арбоблари шарафига бағишланган, шунингдек, тасвирий ва амалий санъат, дизайн, санъатшунослик, музейшунослик ҳамда бадиий таълим соҳаларига доир халқаро илмий конгресслар, конференциялар, симпозиумлар, семинарларни ташкил этишда иштирок этади»;

д) 13-бандда:

7-кичик банд қуйидаги таҳрирда баён этилсин:

«Бадиий академия фаолиятининг алоҳида йўналишларига раҳбарлик қилиш, марказий аппарат ҳамда Бадиий академия тизимига кирувчи ташкилотлар иши юзасидан шахсий жавобгарлик даражасини белгилаш, уларнинг фаолиятини мувофиқлаштириш, ўринбосар, бош илмий котиб, матбуот котиби — ахборот сиёсати масалалари бўйича маслаҳатчи, марказий аппарат таркибидаги бўлим ва бошқармалар раҳбар ва ходимлари, Қорақалпоғистон Республикаси, вилоятлар ва Тошкент шаҳридаги Бадиий академия тизимига кирувчи ташкилотлар, Бадиий ижодкорлар уюшмаси ва унинг ҳудудий бўлимлари ҳамда уларнинг галереяларининг раҳбар ходимлари фаолиятини назорат қилиш»;

18-кичик бандга «илмий котиб» сўзларидан кейин «матбуот котиби — ахборот сиёсати масалалари бўйича маслаҳатчи» сўзлари қўшилсин;

19-кичик бандга «илмий котиб» сўзларидан кейин «матбуот котиби — ахборот сиёсати масалалари бўйича маслаҳатчини» сўзлари қўшилсин;

қуйидаги мазмундаги 311-кичик банд қўшилсин:

«Бадиий академия ҳузуридаги Рассомлик маҳорат устахонаси (олий рассомлик курси)ни бошқариш.»;

е) 15-бандда:

29 — 31-кичик бандлар ўз кучини йўқотган деб ҳисоблансин;

34-кичик банд қуйидаги таҳрирда баён этилсин:

«Камолиддин Беҳзод номидаги Миллий рассомлик ва дизайн институти, Рассомлик маҳорат устахонаси (олий рассомлик курси), Бадиий таълим йўналишларидаги педагог ва мутахассис кадрларни қайта тайёрлаш ҳамда уларнинг малакасини ошириш маркази, Ихтисослаштирилган санъат мактаблари ва мактаб-интернатлари, уларнинг ўқув, устувор илмий йўналишлари, норматив ҳужжатлари, лойиҳалари, дастурлари, таълимни ривожлантириш бўйича чора-тадбирлар амалга оширилишини назорат қилиш»;

ж) 16-бандга қуйидаги мазмундаги 21-кичик банд қўшилсин:

«Ташкилий-таҳлилий бўлимга белгиланган муддатларда тегишли топшириқлар ижроси юзасидан ҳисоботларни тақдим этиб бориш»;

з) 21-банддаги «ва Бадиий ижодкорлар уюшмасининг» сўзлари чиқариб ташлансин;

и) 22-банд қуйидаги таҳрирда баён этилсин:

«Ўзбекистон Республикаси Президентининг «Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида» 2017 йил 16 августдаги ПҚ-3219-сон ҳамда «Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида» 2019 йил 27 июндаги ПҚ-4366-сон қарорларига мувофиқ Раис мақоми, моддий, маиший, транспорт ва тиббий хизмат кўрсатиш шарт-шароитлари бўйича вазирга, унинг ўринбосари ва бош илмий котиб вазир ўринбосарига, шунингдек, матбуот котиби — ахборот сиёсати масалалари бўйича маслаҳатчи раис ўринбосарига тенглаштирилади»;

к) 31-банднинг 2-кичик бандига «Бадиий ижодкорлар уюшмаси» сўзларидан олдин «Бадиий академия раиси» сўзлари қўшилсин.

  1. Вазирлар Маҳкамасининг 2006 йил 26 апрелдаги 180-ф-сон фармойишининг рус тилидаги матнида:

а) «Перечень категорий должностных лиц и сотрудников дипломатических миссий, имеющих право на обслуживание в Зале VIP аэропорта «Ташкент» на бесплатной основе (Перечень № 1)» рўйхати қуйидаги мазмундаги 8.5-кичик банд билан тўлдирилсин:

«8.5. Председатель Академии художеств Узбекистана»;

б) «Перечень категорий должностных лиц и сотрудников дипломатических миссий, имеющих право на обслуживание в Зале VIP аэропорта «Ташкент» на платной основе (Перечень № 2)» рўйхатининг 4.6.2-кичик банди ўз кучини йўқотган деб ҳисоблансин.

 

(Қонун ҳужжатлари маълумотлари миллий базаси, 22.08.2020 й., 09/20/499/1199-сон)

 

 

O‘zbekiston Badiiy akademiyasi
 © 2019. Barcha huquqlar himoyalangan.
Veb-saytdagi ma’lumotlardan foydalanilganda, manbaga havola qilish majburiy.