Ўзбекистон Бадиий академияси Бадиий ижодкорлар уюшмаси аъзолари Солий Қодиров, Фания Деденева, Шерназар Шамсиддиновлар Тошкент шаҳридаги 52-имконияти чекланган болалар учун ихтисослаштирилган мактабда маҳорат дарслари, графика, кулолчилик ва майда пластика бўйича амалий машғулотлар ўтказди.
Болажонлар зўр иштиёқ билан маҳорат дарсларида иштирок этишди. Айниқса, лой билан ишлаш уларга завқ бағишлади ва кулолчилик йўналишига қизиқиш уйғотди.
Президентимиз томонидан илгари сурилган 5 та муҳим ташаббус доирасида ўтказилган мазкур ижодий учрашувда, шунингдек, болажонлар учун Республика ихтисослаштирилган санъат мактаб-интернати ўқувчилари томонидан махсус тайёрланган концерт дастури тақдим этилди.
