Таниқли ўзбек ҳайкалтароши ва рассом, Буюк Британияда ижод қилаётган Юнус Сафардиёр мамлакатимиз мустақиллигининг 30 йиллиги муносабати билан давлат арбоби, шоир ва саркарда Заҳириддин Муҳаммад Бобурнинг бронза ҳайкалини беғараз мақсадда туҳфа қилди.
Бадиий академия музей кўргазмалари учун мўлжалланган кичик ҳажмдаги ушбу бронза ҳайкални муаллифдан Ўзбекистоннинг Буюк Британиядаги элчихонаси кўмагида қабул қилиб олди.
Шу муносабат билан 27 сентябрь куни соат 11:00 да Ўзбекистон Бадиий академияси Анжуманлар залида мазкур ҳайкалнинг тақдимоти ҳамда Темурийлар тарихи давлат музейига топшириш маросими бўлиб ўтади.
