Марказий кўргазмалар залининг 1-қаватида Бадиий академия тасарруфидаги Республика ихтисослаштирилган дизайн мактаби ўқитувчиларининг амалий санъатга оид кўргазмаси мухлисларни хушнуд этмоқда. Кўргазмада амалий санъатнинг каштачилик, кулолчилик, наққошлик, ёғоч ўймакорлиги, заргарлик буюмлари ва гобеленлар намойиш этилмоқда.
Асар муаллифлари Ўзбекистондаги кўплаб мактабларнинг анъаналарини сақлаб қолган ҳолда дизайн соҳасида янги шакллар ва замонавий тенденциялар билан тажриба ўтказишдан чекинмайдилар.
Умуман олганда, Республика ихтисослаштирилган дизайн мактаби, ҳозирда дизайн соҳасидаги янги кашфиётлар баробарида устоз-шогирд анъаналарини сақлаб қолмоқда.
