Ўзбекистон Республикаси Савдо-саноат палатаси Бирлашган Миллатлар Ташкилотининг Тараққиёт Дастури билан ҳамкорликда COVID-19 пандемияси сабабли юзага келган салбий оқибатларни юмшатиш мақсадида “Бизнес-клиника” лойиҳасини бошлади.
Лойиҳа доирасида 1094 рақамли ягона колл-центр ишламоқда. У орқали тадбиркорлар карантин ва ундан кейинги даврда мамлакатимиз раҳбари томонидан қабул қилинган қарорларда белгиланган имтиёз ва қўллаб-қувватлаш чораларидан тўлиқ фойдаланиши мақсадида бепул юридик ва бизнес консультацияларни олиши мумкин.
Бундан ташқари, каналимизда шу мавзуга оид савол-жавобларни ёритиш учун онлайн вебинар ва видеолавҳалар ҳам тақдим қилинмоқда.
Фақат бирлашиб ушбу инқироз даврини енгиб ўта оламиз!
Маълумотлар: (www.businessinfo.uz) веб-сайти ҳамда (https://t.me/biznes_klinika) телеграм каналида.
