Камолиддин Беҳзод номидаги Миллий рассомлик ва дизайн институтида 8 март – Халқаро хотин-қизлар куни муносабати билан талаба-қизлар ўртасида «Miss Artist–2021» кўрик-танлови ўтказилди.
9 март куни ушбу танловнинг якуний финал босқичи бўлиб ўтди. Унда факультет босқичларида ғолибликни қўлга киритган иқтидорли талаба-қизлар таништирув, билимдонлик, эътироф, образ каби бир биридан қизиқарли шартлар асосида ўзаро беллашдилар.
Ҳар бир шарт сўнгида ҳакамлар томонидан қизларга қўйилган баллар эълон қилиб борилди.
Таъкидлаш жоизки, якуний финал босқичи қизғин кечди.
Танлов якунларига кўра юқори натижа кўрсатган иштирокчи – Музей предметлари экспертизаси, консервациялаш ва таъмирлаш таълим йўналиши 2-босқич талабаси Мухлиса Зохидова ғолиб, деб топилди ҳамда «Miss Artist” рамзий тожига сазовор бўлди.
Институт раҳбарияти томонидан танлов ғолиб ва совриндорлари қимматбаҳо совғалар билан тақдирланди.
