Бугун, 14 октябрь куни Ўзбекистон Тасвирий санъат галереясида Ўзбекистон Бадиий ижодкорлар уюшмаси аъзоси, «Шуҳрат» медали соҳибаси Шахноз Абдуллаеванинг «Маҳлиё» деб номланган шахсий кўргазмаси очилди.
Шахноз Абдуллаева истеъдодли ва ўзига хос санъат устасидир. У таниқли рассом Чингиз Ахмаровнинг шогирди бўлиб, устозидан тасвирий санъат техника усулларини ўрганади ва шу билан бирга санъатда ўз йўлини топади.
Ш. Абдуллаева ижоди – бу тимсолларни ёрқин ифода этувчи рассом. У Шарқнинг нафис ва эстетик анъаналари, рус символизми ва Уйғониш даврининг гўзал қиёфаларининг уйғунлигини топа олган. Унинг асарларида назокатли оддийлик ва ички сокинлик характери билан бирга енгил ва дадил ранглар уйғунлиги кузатилади. Айниқса, Шарқнинг ўзига хос нозик колорити рассом ижодида алоҳида ўрин эгаллайди. Рассом ижодида ранглар ва тасвирлар декоративлик ечим ҳамоҳанглигида ўз аксини топади.
