Кеча Ўзбекистон Бадиий академияси раиси Акмал Нур ОАВ ҳамда интернет нашрларнинг бир гуруҳ вакилларини касб байрами билан самимий табриклади ва уларга эсдалик совғаларини топширди.
— Бадиий академия журналистлар меҳнатини доимо эъзозлайди. Ўзбекистон тасвирий ва амалий санъати ютуқлари, соҳага оид Президентимиз, Ҳукуматимиз Қарорларининг мазмун-моҳиятини, умуман фаолиятимизга оид янгиликларни халқимизга етказиш, тарғиб этишда оммавий ахборот воситаларининг аҳамияти жуда катта ва бизга камарбаста бўлмоқдасиз, — деди Ўзбекистон Бадиий академияси раиси Акмал Нур.
Бадиий академиянинг Анжуманлар залида бўлиб ўтган тадбирда Меҳнат фаолиятида алоҳида ютуқларга эришган, юртимиз тасвирий санъатини янада ривожлантириш ва қўллаб-қувватлаш борасида амалга оширилаётган ислоҳотлар, рассом-усталар, истеъдодли ёш мўйқалам эгалари ижодини тарғиб қилишда ўзининг муносиб ҳиссасини қўшиб келаётган фаол журналистлар ва оммавий ахборот воситаларининг бир гуруҳига Ташаккурнома ва эсдалик совғалари топширилди.
