Аввал хабар берилганидек, шу йилнинг апрель ойида олий таълим муассасаларида онлайн конференциялар ўтказилади.
Ўзбекистон Бадиий академияси тасарруфидаги Камолиддин Беҳзод номидаги Миллий рассомлик ва дизайн институти томонидан “ЭГО-ХХ: Санъатдаги умуминсоний қадриятлар ва миллий ўзига хослик” мавзусида халқаро илмий-экспериментал онлайн конференция ўтказилади.
Мазкур анжуман шу йил 29 апрель куни Тошкент вақти билан соат 12:00 да “ZOOM” платформаси орқали амалга оширилади.
Шу муносабат билан мақола ва тезислар электрон шаклда жорий йилнинг 20 апрелигача қабул қилинади.
Айни кунларда таътилда бўлган талабалар, магистрлар, ёш тадқиқотчилар ва профессор-ўқитувчилар ушбу имкониятдан фойдаланишлари ҳамда илмий мақола ва тезислари билан ОТМларда ташкил этилаётган онлайн конференцияларда иштирок этишлари мумкин.
Мурожаат учун тел.: Ф.Қодирова – (90) 957 82 0,
М.Умарходжаева – (90) 908 22 84