Ўзбекистон Республикасида коронавирус инфекциясининг тарқалишини олдини олиш ҳамда санитария-эпидемиологик осойишталикни таъминлаш бўйича эълон қилинган карантин доирасида олиб борилаётган чора-тадбирларни тизимда жадаллаштириш мақсадида 19 март куни Ўзбекистон Бадиий академияси раисининг И-16 – сон буйруғи қабул қилинди.
Мазкур Буйруқ билан:
- Тизимдаги барча ташкилот ва таълим муассасалари раҳбарлари ходимларнинг хавфсиз фаолияти учун зарур бўлган қатъий чора-тадбирларни амалга ошириши;
- Бадиий кўргазмалар дирекцияси, Халқаро маданият карвон саройи, Камолиддин Беҳзод номидаги Шарқ миниатюра санъати музейи, Тошкент фотосуратлар уйига вақтинча ( 31 мартга қадар) ходимлардан ташқари ташриф буюрувчилар кириб чиқиши тўхтатилиши;
- Ходимларнинг Ўзбекисон Республикаси Соғлиқни сақлаш вазирлиги тавсияларига қатъий риоя қилишлари назорат остига олиниши;
- Наврўз умумхалқ байрами муносабати билан бериладиган (21 -23 март кунлари) таътил давридан унумли фойдаланган ҳолда ўз биноларини мутасадди ташкилотлар мутахассисларини жалб қилган ҳолда дезинфекция чораларини кўриш;
- Биноларни дезинфекция қилиш билан боғлиқ сарф-харажатлар бюджетдан ташқари маблағлар ҳисобидан қопланиши белгилаб қўйилди.
Мазкур Буйруқ ижросини таъминлаш тизимдаги барча ташкилот ва таълим муассасалари раҳбарлари зиммасига юклатилди.