«Ma’rifat» республика газетаси томонидан ҳар йили ижодкорларни қўллаб-қувватлаш ҳамда газетхонлар билан ижодий ҳамкорликни янада яхши йўлга қўйиш мақсадида ёз мавсумига бағишланган “Фаслнинг энг яхши ижодкори” танлови ўтказиб келинади.
Газета танловида турли касб эгалари, адабиётшунос, ўқитувчилар, талаба ёшлар, оддий газетхон ўқувчилар ўзларининг мақолалари билан фаол иштирок этишди.
Ушбу танловда Ўзбекистон Бадиий ижодкорлар уюшмаси аъзоси, фотожурналист Султонбой Деҳқоновнинг Президентимиз томонидан илгари сурилган ёшлар маънавиятини юксалтириш ва уларни бўш вақтини мазмунли ташкил этиш бўйича 5 та муҳим ташаббус доирасида Тошкент вилоятининг Бўка туманидан тайёрлаган фотолавҳалари “Жозибали фотолавҳа” номинацияси бўйича ғолиб, деб топилди.
