Халқаро Тасвирий ва амалий санъат фестивали доирасида Бадиий кўргазмалар дирекциясининг Марказий кўргазмалар залида “Самарқанд – Шарқ марвариди” номли кўргазма очилди. Унда Ўзбекистон Бадиий ижодкорлар уюшмасига аъзо самарқандлик ижодкорлар томонидан тасвирий ва амалий санъатнинг рангтасвир, графика, ҳайкалтарошлик, кулолчилик сингари турларида 300 дан ортиқ асарлари тақдим қилинди.
Кўргазма иштирокчилари – Ўзбекистон Бадиий ижодкорлар уюшмаси аъзолари бўлиб, улар орасида Ўзбекистон Бадиий академиясининг академиклари, рассом Аслиддин Исаев, кулол-уста Шариф Азимов ва Ҳақберди Ҳақбердиевлар, шунингдек, Ўзбекистон Бадиий ижодкорлар уюшмасининг Самарқанд бўлими раиси Аслиддин Каланов, машҳур график ва рангтасвирчи рассомлар, кўплаб республика кўргазмаларининг иштирокчилари Алексей Щербаков ва Акбар Фозилов.
Асарларнинг мавзулари хилма-хил бўлиб, булар, Шарқ фалсафасига мурожаат қилган ҳолда, ижодкорлар ҳаётий тематик сюжетлар, Самарқанд манзаралари, Самарқанднинг тарихий ёдгорликлари ҳақида сўзлайди.
