“Бугун 23:00 ва тонгги 5:00 гача вертолётлар дезинфекция учун дори сепади. Дераза ва балконлар ёпиқ бўлиши лозим ва 23:00дан сўнг кўчаларда юриш мумкин эмас. Ҳарбий қисмдан хабар беришди”.
Ижтимоий тармоқларда тарқалган ушбу хабар юзасидан Вазирлар Маҳкамаси ҳузуридаги Санитария-эпидемиология назорати давлат инспекциясига мурожаат қилдик.
Инспекция жамоатчилик билан алоқалар бўлими бошлиғи Дилдора Мирбобоева бу хабарлар мутлақо ёлғон эканини таъкидлади. Шунингдек, аҳоли орасида ваҳима чиқаришга қаратилган материалларни тайёрлаш ва ёлғон ахборотларни тарқатмасликни сўради.
ЎзА
