Жорий йилнинг 28-29 сентябрь кунлари Халқаро ахборотдан умумий фойдаланиш куни муносабати билан “Жонни омон сақлаб, ишончни мустаҳкамлаб, умид бағишлаб ахборот олиш” мавзуида онлайн муҳокама бўлиб ўтади.
Унда ЮНЕСКО бош директори Одри Азуле, Ўзбекистон Республикаси Бош вазир ўринбосари, ЮНЕСКО ишлари бўйича миллий комиссия раиси Азиз Абдуҳакимов ва бошқалар иштирок этади.
Тадбир Жаҳон соғлиқни сақлаш ташкилоти, Халқаро архивлар кенгаши, БМТ Тараққиёт дастури, «Twitter» ижтимоий тармоғи, “Очиқ ҳукумат” ҳамкорлиги ташаббуси, «Transparency International» илмий-ишлаб чиқариш бирлашмаси каби етакчи ташкилот ва тузилмаларнинг раҳбарияти иштирокида ўтказилади.
Шу ўринда Ўзбекистон бу каби нуфузли форумга таклиф қилинган ягона мамлакат эканини таъкидлаш муҳим.
Бу Ўзбекистон Республикаси Президенти Шавкат Мирзиёев томонидан шаффофлик ва эркин фикрлиликни таъминлаш йўлида олиб борилаётган сиёсат натижасида мамлакатимизда рўй берган ўзгаришлар эътирофидир.
ЎзА.
