loader image
Barcha yangiliklarga qaytish

Ғолиблар сафида

2021 йил январь ойида Италияда  “Уруш ичидаги инсонпарварлик” 1-халқаро болалар расмлар кўрик танлови эълон қилинган эди.

Ўзбекистон Бадиий академияси тасарруфидаги  Сирдарё ихтисослаштирилган санъат мактаб-интернати ўқувчиларидан 13 нафари ўз ижодий ишлари билан рўйхатдан ўтишган.

2021 йилнинг июнь ойида мазкур танловнинг натижалари эълон қилинди. Маълумотга кўра, танловга дунёнинг 15 та мамлакатидан 3833 нафар болалар ижодий ишини  юборган бўлиб, шулардан  сараланган 200 нафари иштирокчи расмлари муносиб топилган.

Сирдарё ихтисослаштирилган санъат мактаб-интернати ўқувчиларидан 2 нафари, яъни 11-синф ўқувчиси Салимжон Обирқулов ҳамда 10-синф ўқувчиси Азиза Анварова танлов якунида 20 нафар ғолиблар қаторидан ўрин эгаллашди ва танлов дипломига сазовор бўлишди.

O‘zbekiston Badiiy akademiyasi
 © 2019. Barcha huquqlar himoyalangan.
Veb-saytdagi ma’lumotlardan foydalanilganda, manbaga havola qilish majburiy.