Бугун, 25 сентябрда Ўзбекистон Бадиий академияси Бадиий ижодкорлар уюшмаси аъзоси, таниқли рангтасвирчи рассом Пўлатхон Жалилов 81 ёшида вафот этди.
Пўлатхон Жалиловнинг манзара ва портрет жанрларида яратган кўплаб асарлари халқаро ва Республика кўргазмаларида намойиш қилинган.
Кўп йиллар ёш авлодга тасвирий санъатдан сабоқ берди, кўплаб етук ижодкор шогирдлар тарбиялади. Улар нафақат юртимиз санъати ривожига ҳисса қўшмоқда, балки хорижий давлатларда ҳам устоздан олган сабоқларини ҳаётга муваффақиятли татбиқ этмоқдалар.
Кўплаб кўрик-танловлар ғолиби Пўлатхон ака Жалилов самарали ижоди учун Ўзбекистон Бадиий академиясининг қатор совринлари ва кумуш медали билан тақдирланган эди.
Меҳрибон устоз-мураббий Пўлатхон ака Жалолов вафоти муносабати билан Ўзбекистон Бадиий академияси марҳумнинг оила-аъзолари, яқинларига чуқур ҳамдардлик билдиради, Яратгандан сабр тилайди.
Рассом ижодидан намуналар:
«Куз неъматлари»
«Шербулоқ»
«Мамай»
