16 август куни Ўзбекистон Бадиий ижодкорлар уюшмаси Фарғона вилоят бўлими кўргазмалар залида Ўзбекистон Республикаси давлат мустақиллигининг 30 йиллиги ҳамда Ҳиндистон Республикаси мустақиллигининг 75 йиллиги муносабати билан “Ҳиндистоннинг ёзма мероси: Ҳинд-ислом хаттотлигида ёзиш санъати” номли халқаро кўргазма иш бошлади.
Ҳиндистоннинг Ўзбекистондаги элчихонаси, Лаъл Баҳодир Шастри номидаги Ҳиндистон маданият маркази ва Ўзбекистон Бадиий академияси ҳамкорлигида ташкил этилган мазкур кўргазма очилиш маросимида Ўзбекистон Бадиий ижодкорлар уюшмаси Фарғона вилоят бўлими, Фарғона вилоят тарихи ва маданияти музейи, вилоят маданият бошқармаси, Қўқон ихтисослаштирилган санъат мактаби мутасаддилари иштирок этди.
Ушбу кўргазмада Ҳирот мактаби буюк усталарининг куфий, насх, настаълиқ, хатти шикаста, таълиқ ва бошқа услубий йўналишлардаги хаттотлик асарлари намуналари жой эгаллади.
Кўргазма шу йил 15 сентябргача давом этади
