Ўзбекистон Бадиий академияси Бадиий ижодкорлар уюшмасининг анжуманлар залида яқинда чоп этилган “Бадиий кўргазмалар дирекцияси” альбомининг тақдимот маросими бўлиб ўтди.
Бадиий кўргазмалар дирекцияси коллекциясининг бир қисмидан ҳикоя қилувчи ушбу альбом – рангтасвир, графика, ҳайкалтарошлик, театр ва кино санъати рассомларининг асарлари ва амалий-безак санъатини ўз ичига олган. Шунингдек, унда БКД кўргазмалар фаолиятининг 60 йиллик тарихи ва географияси билан танишиш мумкин.
Ўзбекистон Бадиий академияси Бадиий кўргазмалар дирекцияси ташкил этилган 1959 йилдан то шу кунга қадар, юртимиз ва хорижда бадиий кўргазмаларни профессионал тарзда ташкил этиб келаётган Марказий Осиё минтақасидаги энг нуфузли ихтисослаштирилган музей муассасаларидан бири ҳисобланади ва ҳар йили 40 дан ортиқ турли мавзули, шахсий ва гуруҳли кўргазмалар ўтказиб келмоқда.
