Ўзбекистон Бадиий академиясининг Марказий кўргазмалар залида анъанавий «Баҳор вернисажи» старт олди.
Унда юртимиз аёл рассомлари ижоди билан танишасиз. Гўзал Алиматова, Назира Кузиева, Римма Гаглоева, Искра Шин, Татьяна Ли, Мария Ли-Сафи, Гулнора Рахмонова ва Татьяна Фадеева асарларида ички энергия ва рангларга бой палитра туслари ўзига ром этади.
Белгиларнинг ўзига хос йўналишини шакл ва рангтасвир ранглари орқали излаётган ёш,фаол ижодкорлар орасида Гулноз Жалолова, Канти, Барно Сайфуллаеваларни алоҳида келтириб ўтиш мумкин.
Ўзбекистоннинг таниқли ва иқтидорли ҳайкалтароши – Людвига Нестерович асарлари экспозициянинг безаги бўлиб хизмат қилмоқда. Тошнинг ҳар-хил турларидан яратилган пластиканинг шакллари томошабинни тош парчасида образни, унинг кайфияти ва ҳиссиётини очиб бера олганлиги билан ҳайратга солади.
Мазкур вернисаж АЁЛ ИЖОДКОРЛАРНИНГ чексиз фантазияларини, нозиклик, нафисликларини намоён этмоқда.
