Аввал хабар берганимиздек, жорий йил 20 ноябрида бўлиб ўтган Ўзбекистон Бадиий ижодкорлар уюшмаси (ЎзБИУ) нинг кенгайтирилган Бошқарув кенгаши қарорига мувофиқ республика бўйича 66 нафар ижодкор Уюшма аъзолигига қабул қилинди. Шулардан 41 нафарини ёш ижодкорлар ташкил этади.
Бугун, 25 декабрь куни ЎзБИУ анжуманлдар залида янги аъзоларга гувоҳномаларини тантанали топшириш маросими бўлиб ўтди.
Янги аъзолар орасида ёш ҳайкалтарош Баҳром Норбоев ҳам бор.
Сир эмас, сўнгги йилларда, айниқса, ҳайкалтарошларимиз ижодида жиддий ютуқлар кўзга ташланмоқда. Қувонарлиси, соҳада янги авлод шаклланди. Баҳром Норбоев – янги авлод вакили.