Ўзбекистон Бадиий академияси тасарруфидаги Хоразм ихтисослаштирилган санъат мактаб-интернати (ИСМИ) «Энг намунали бошланғич ташкилот» кўрик-танловининг вилоят босқичида Маданият, спорт ва туризм ходимлари касаба уюшмаси 100 нафаргача аъзоларни бирлаштирган ташкилотлар ўртасида биринчиликни қўлга киритди.
Шу муносабат билан Хоразм ИСМИ Ўзбекистон касаба уюшмалари Федерацияси Хоразм вилоят кенгашининг I даражали дипломи билан тақдирланди.
«Энг намунали бошланғич ташкилот» кўрик-танлови касаба уюшмалари ҳаракатини ташкилий жиҳатдан мустаҳкамлаш, шунингдек, меҳнаткашлар ўртасида касаба уюшмалари мавқеини ошириш, жамоанинг ижтимоий-иқтисодий ривожланишида бошланғич ташкилотларнинг фаол иштирокини таъминлаш, касаба уюшмалари ташкилотларида ишловчилар ҳамда фаолларда ижодкорлик қобилиятини шакллантириш мақсадида ўтказилди.
30 июль куни ушбу кўрик-танлов ғолиб ва фаолларига диплом ҳамда эсталик совғалари топширилди.
