Бугун Павел Беньков номидаги Республика ихтисослаштирилган рассомлик мактабида Ўзбекистон Республикасида хизмат кўрсатган санъат арбоби, Ўзбекистон Бадиий академияси академиги Анвар Мамажоновнинг “Биз бунга қодирмидик…” номли шахсий кўргазмасининг очилиш маросими бўлиб ўтди. Кўргазмада атоқли рассомнинг “101 ўзбек” туркумидан 15 га яқин графика йўналишида чизилган ижодий ишлари томошабинларга ҳавола этилди. Ҳар бир асарда муаллифнинг ўзига хос услубини кўриш мумкин. Рассом тасвирий санъатнинг амалий графика йўналишида мукаммал санъат асарлари яратган. Асарларига синчковлик билан назар солинса, унда микроскоп ёрдамида кўриш мумкин бўлган энг майда деталлар ҳам профессионал яратилганини илғаш мумкин.
9 май – Хотира ва қадрлаш кунига бағишланган ушбу кўргазма 15 майга қадар давом этади.
