II Тошкент халқаро амалий санъати биенналесининг иккинчи куни, 12 ноябрь соат 15:00 да Тасвирий санъат галереясида “Заргарлик санъати моҳир усталари” номли кўргазманинг очилиши бўлиб ўтди.
Маълумки, заргарлик қадимдан ўзбек усталари томонидан қадрланиб, ҳозирга қадар сақланиб, авлоддан-авлодга ўтиб келаётган энг нафис ва кўҳна санъат тури ҳисобланади. Бу санъат тури ҳозирги замон заргарларининг жуда бой анъаналарга эга бўлган ижодида янада равнақ топмоқда.
Мазкур кўргазмада Хитой, Россия, Тожикистон ва юртимиз ҳунарманд усталари томонидан нафосат билан яратилган заргарлик буюмлари намойиш этилмоқда.
