Э. Бозоровнинг асарлари орасида “Ўтмишдан садоси” композицияси рассом ижодининг бошқачароқ қиррасини намоён этади. Унда тасвирланган уч ўсмир, томошабин уйлаши мумкин бўлганидек бевосита натурадан чизилган эмас, аксинча, ижодкорнинг таъкидлашича ҳаёлан чизилган. Композиция шунчаки рассомнинг ҳаёли маҳсули эмас, балки унинг тафаккурида жонланаётган болалигини қўмсаш, унинг аллақачон ўтмишга айланган онларига қайтишни исташига акс эттиради…
Рассом ҳақида:
1983 й. – Навоий вилояти, Нурота туманида туғилган.
1998 – 2001 йй. – Навоий шаҳридаги Тасвирий ва амалий санъат лицейида таҳсил олган.
2001 – 2007 йй. – К .Беҳзод номидаги Миллий рассомлик ва дизайн институтининг “Дастгоҳли рангтасвир” кафедраси бакалавр ва магистрлиги босқичларида ўқиган.
2007 й. – Ўзбекистон Ижодкорлар уюшмаси аъзолигига қабул қилинган.
2008 й.дан – Республика ва хорижий кўргазмаларда иштирок этиб келмоқда.
2019 й. – Кипр санат галереясида “ Таассурот” деб номланган шахсий кўргазмаси бўлиб ўтган.
Устозлари : Наим Қодиров, Даврон Ражабов, Акмал Икромжонов, Собир Рахметов, Имяр Мансуров, Муҳаммад Нуриддинов, Саъдулла Абдуллаев.