Ўзбекистон Бадиий академиясининг Икуо Хирояма Халқаро маданият карвонсаройи директори Усмонов Фаррух Уматалиевич туризм соҳасида хорижий мамлакатлар халқлари билан дўстлик ва ҳар томонлама ҳамкорликни ривожлантириш ва оммалаштиришга қўшган муносиб ҳиссаси учун “Туризм фидойиси” кўкрак нишони билан тақдирланди. Самарқанд шаҳридаги “Ипак йўли” Туризм марказидаги Конгресс-холлда Бутунжаҳон туризм кунига бағишланган, давлат ташкилотлари, дипломатик корпуслар, сайёҳлик ташкилотлари вакиллари, тадбиркорлар, санъаткорлар, оммавий ахборот воситалари вакиллари иштирок этган Конгрессда ушбу кўкрак нишонини Бош вазир ўринбосари – Туризм ва маданий мерос вазири, “Ипак йўли” Халқаро туризм ва маданий мерос университети ректори Азиз Абдухакимов топширди.
