Ўзбекистон Бадиий академиясининг Қашқадарё ихтисослаштирилган санъат мактаб-интернати ўқувчиси Фотима Холбобоева Чехияда бўлиб ўтган “Лидице – 2021” болалар тасвирий санъатининг 49-халқаро кўргазмасида қатнашгани учун тақдирланди. Чехия Республикасининг Тошкентдаги элчихонасида бўлиб ўтган тантанали тадбирда фавқулодда ва мухтор элчи Вацлав Йилек Ўзбекистон
Бадиий академияси бош илмий котиби Феруза Обиджонова иштирокида Фотима Холбобоевага мазкур халқаро кўргазма фахрий ёрлиғи ҳамда эсталик совғаларини топширди, Фотимага ижодий ишларида муваффақият тилади. Фаол, изланувчан ўқувчи Фотима Холбобоева бундан аввал Россия Федерацияси ҳамда Беларусда ўтказилган ижодий танлов, кўргазмаларда ҳам иштирок этиб, диплом ва сертификатлар билан тақдирланган.
