20 сентябрь куни Ўзбекистон Бадиий ижодкорлар уюшмасининг Анжуманлар залида голландиялик таниқли маданият арбоби Бурханетдин Чарлак ҳамда рассом Юсуф Аккая билан учрашув, абрў санъати асарлари кўргазмаси ҳамда Голландияда нашр этилган “Ўзбекистон” китоби тақдимоти бўлиб ўтди.
Тадбирни Ўзбекистон Бадиий академияси раиси ўринбосари Ф.Тошмухамедов очиб берди.
Тадбирда Ўзбекистон Бадиий академияси ҳақиқий аъзолари – Л.Ибрагимов, А.Мамажонов, санъатшунос олим Ш.Шоёкубов, устоз хаттот С.Бадалбоев, абрў санъати устаси Н.Сотволдиева, графикачи рассом П.Хаитов сўзга чиқиб, санъатнинг ушбу тури юзасидан фикр-мулоҳаза билдиришди.
Шуни мамнуният билан таъкидлаш керакки, Бурханетдин Чарлак муаллифлигидаги «Ўзбекистон» китоби ўзбек тилида чоп этилди. «Китобнинг ўзбек тилида нашр этилгани меҳмонларнинг Ватанимизга бўлган меҳридан дарак беради», дея таъкидланди.
