Президентимизнинг кўрсатмасига мувофиқ, хориждаги юртдошларимизни Ватанга олиб келиш учун 25 майдан 7 июнгача 17 чартер рейсни амалга ошириш белгиланган.
Ўзбекистон Республикаси Транспорт вазирлиги Ахборот хизмати хабарига кўра, бугунгача Россия шаҳарлари – Екатеринбург, Москва ва Санкт-Петербургдаги 830 Ўзбекистон фуқароси ортга қайтарилган.
Бу фуқаролар аэропортдан тўғри карантин марказларига жойлаштирилган.
Бугун Ростов-Дон (Россия) ва Истанбулдан (Туркия) фуқароларимиз олиб келиниши кутилмоқда.
