6 октябрь куни Ўзбекистон Бадиий академияси Икуо Хираяма Халқаро маданият карвон саройида Концерт дастури ва ҳаттотлик перфоманси бўлиб ўтди. Хаттотлик перфоманси давомида Жунносукэ Ямомото, Рюта Ивасэ ва Киёми Ямомото томонидан «Нэтори Нишё», «Шин Рицуро Низдушё» мусиқий пьесалар ижро этилди. Рюта Ивасэ томонидан кларнет учун «BASSCLA» асари тақдим этилди.
Ёшико Ёшида – 1959 йили Япониянинг Нара шаҳрида туғилган. 7 ёшидан 18 ёшигача Шоин Комату раҳбарлигида хаттотлик санъатини чуқур ўрганди.
2000 йилда Бокушё-кай япон хаттотлик санъати асосчиси уста Шокуё Сасано раҳбарлигида хаттотликни ўрганишни давом эттирди. Ўша йилданоқ Бокушё-кайда ўтказиладиган турли хил кўргазмаларда иштирок этиб бошлади.
Жунносукэ Ямомото – 1958 йилда Токио шаҳрида туғилган. 1984 йилда у Токио Давлат тасвирий санъат университетининг бастакорлик факультети магистратурасини тамомлаган. 1995 йилда Япония Маданият идораси гранти доирасида Берлинга қисқа муддадли амалиёт ўтаган. Хозирда Чиба университетида профессор.
Рюта Ивасэ – Тохо гакуэн университетида таҳсил олган. Унга Белгиядаги Антверпен Қироллик консерваториясида Вальтер Буикенс, Рональд Ван Спандонглар устозлик қилган. Петро Альжент халқаро конкурс лауреати, Марко Фиолиндо халқаро конкурсида 3-ўрин, Падова халқаро конкурсида 3-ўрин соҳиби. Венадаги Ёзги халқаро фестивалида Барток мукофотини қўлга киритган.
Киёми Ямамото – Мусашино консерваториясининг фортепиано факультути битирувчиси. Фусако Ионэтани, Жун Датэ, Кадзуёши Накагава муаллимларда тахсил олган. Консерватория талабаси бўлиб Канагава вилояти театри томонидан ташкил қилинган концертларда иштирок этган. Шопен, Бетховеннинг фортепиано концертларида оркестр билан биргаликда иштирок этган. Концертмейстер лавозимида ишлаб маҳорат ошириш дарсларини ташкил қилади, NHK дастурларида фаол иштирок этади ва СД дискларни нашр қилади. «Нэиро» мусиқий гуруҳининг ташабусскори.
