Андижонда Тасвирий санъат ҳафталигининг тўртинчи куни ҳам ўзига хос тадбирларга бой ҳамда қизғин руҳда ўтди. Куннинг биринчи ярмида ўқувчиларнинг пленэр машғулотлари, рассомларнинг маҳорат дарслари ташкил этилди. Сўнг Камолиддин Беҳзод номидаги МРДИ талабаси Моҳинур Иминованинг «Беғубор чизгилар» номли шахсий кўргазмаси санъат ихлосмандларига ҳавола этилди. Шунингдек, Андижон Давлат университети Санъатшунослик факультети педагоги, БИУ аъзоси Азизбек Жабборовнинг маҳорат дарслари иштирокчилар ва меҳмонларда катта қизиқиш уйғотди.
