📸 2026-yil 24-iyul kuni soat 17:00 da O‘zbekiston Badiiy akademiyasi Ikuo Xirayama xalqaro madaniyat karvon saroyining katta ko‘rgazmalar zalida iordaniyalik xalqaro fotoijodkor Abdulrahman Valid Savalhaning “Iordaniyadan O‘zbekistonga muhabbat ila” nomli shaxsiy fotoko‘rgazmasining ochilish marosimi bo‘lib o‘tdi.

🌍 Abdulrahman Valid Savalha — 20 yildan ortiq tajribaga ega, tasviriy san’at fotografiyasi va madaniy merosni hujjatlashtirish yo‘nalishida faoliyat yurituvchi taniqli professional fotograf va tasviriy rassomdir.

📌 Uning faoliyati 2004-yildan buyon YUNESKO tomonidan insoniyatning nomoddiy merosini hujjatlashtirishdagi fidokorona sa’y-harakatlari uchun e’tirof etilgan. Ijodkor dunyo bo‘ylab 35 dan ortiq xalqaro ko‘rgazmalarda ishtirok etgan.

🏅 Abdulrahman Valid Savalha Akademiyaning kasbiy ta’sir reytingiga ko‘ra fotografiya sohasidagi eng nufuzli 100 nafar fotosuratchidan biri sifatida e’tirof etilgan.

Kasbiy faoliyati

🎓 Ta’lim va pedagogika yo‘nalishida fotografiya san’ati bo‘yicha sertifikatlangan murabbiy va o‘qituvchi sifatida faoliyat yuritib, 300 dan ortiq seminar va ma’ruzalar o‘tkazgan.

Uning mahorat darslari:

• Birlashgan Arab Amirliklari;
• Iordaniya;
• Iroq;
• Saudiya Arabistoni;
• O‘zbekiston;
• xalqaro raqamli platformalar (Zoom) orqali tashkil etilgan.

Shuningdek, ijodkor nufuzli jahon va mahalliy fotografiya festivallari hamda tanlovlarining xalqaro hakamlar hay’ati a’zosi hisoblanadi.

Yutuq va mukofotlar

🌐 Xalqaro ko‘rgazmalar:

Guruh ko‘rgazmalari doirasida London, Madrid, Rim, Chexiya, Xitoy, Yaponiya, Turkiya va O‘zbekistonda o‘tkazilgan 35 ta xalqaro ko‘rgazmada ishtirok etgan.

Shaxsiy ko‘rgazmalari:

• Suriya (2002);
• Iordaniya (2018);
• O‘zbekiston (2021 va 2026-yilda ikki marotaba).

🏆 Muhim mukofot va e’tiroflari:

• YUNESKO rekordi – V jild (2004) — yo‘qolib ketish xavfi ostidagi insoniyat merosini fotografik hujjatlashtirishga qo‘shgan hissasi uchun;
• “Yil shaxsi” (2021) — Arab-Amerika akademiyasi tomonidan taqdirlangan;
• The Humanity Photo Awards (HPA) — insoniyat merosini asrab-avaylashga qaratilgan loyihalardagi ishtiroki uchun;
• 50 ga yaqin xalqaro mukofot va ishtirok sertifikatlari sohibi.

Professional a’zoliklari

Ijodkor quyidagi nufuzli tashkilotlar a’zosi hisoblanadi:

• Xalqaro fotografiya san’ati federatsiyasi (FIAP, Shveytsariya);
• World Press Photo (Niderlandiya);
• Fotosuratlar uyi — O‘zbekiston Badiiy akademiyasi;
• O‘zbekiston Rassomlar uyushmasi;
• Iordaniya fotografiya jamiyati (JPS);
• Arab fotograflari uyushmasi.

🖼 Ko‘rgazma ekspozitsiyasidan muallifning 90 ta fotoasari o‘rin olgan bo‘lib, unda ijodkorning turli xalqlar hayoti, madaniyati, an’analari va tarixiy merosiga bo‘lgan nigohi aks etgan.

💡 Fotoko‘rgazma joriy yilning 2-avgustiga qadar davom etadi.