Joriy yilning 18-dekabr kuni Qo’qon ixtisoslashtirilgan san’at maktabida 2024-yil “Yoshlar va biznesni qo’llab-quvvatlash yili” munosabati Qo’qon ixtisoslashtirilgan san’at maktabi mutaxassislik fani o’qituvchisi  Kamilov Sobir Sultonovichning “Kuzgi manzaralar” nomli shaxsiy ijodiy ishlar ko’rgazmasining ochilishi bo’lib o’tdi. Ko’rgazmada ijodkorning 30 dan ortiq akvarel bo’yog’ida ishlangan ijodiy ishlaridan iborat bo’lgan asarlari namoyish etildi. 

Rassom 2021-yilda Qo’qon Davlat Pedagogika Institutini Tasviriy san’at va muhandislik grafikasi yo’nalishini tamomlagan, 2005 yildan buyon Qo’qon ixtisoslashtirilgan san’at maktabida faoliyat yurtib kelayotgan edi.

Ko’rgazmaga Qo’qon ixtisoslashtirilgan san’at maktabi raxbariyati,  Tasviriy va amaliy san’at bo’limi o’qituvchilari, o’quvchilar va  mehmonlar tashrif buyurishdi. Ko’rgazmaga qo’yilgan ijodiy ishlar ko’rgazma tomoshabinlarida iliq ta’surot qoldirib akvarel bo’yog’ida ishlash texnikasi murakkabligi va bu texnikadan ijodkor mohirona foydalanganligi, kuz ranglarining naqadar go’zalligini ko’rsata bera olganligini ta’kidlab o’tildi.

Ko’rgazma 2024 yil 18 dekabr kunidan 21 dekabr  kuniga qadar davom etadi.