Joriy yilning oktyabr oyida O‘zbekiston poytaxti yana xalqaro madaniy muloqot markaziga aylanadi   – Toshkentda  5- Xalqaro amaliy san’at biyennalesi bo‘lib o‘tadi.
 

“An’analar va global dunyo”  mavzusidagi V Toshkent Xalqaro amaliy san’at Biyennalesida Ishtirok etish shartlari:

O‘tkazilish vaqti: Oktyabr (20-24 oktyabr) 2025 y.

Ishtirok uchun taklif qilinadi:

• An’anaviy amaliy san’atda (to‘qimachilik: kashta, kigiz, zardo‘zlik, gilamdo‘zlik, an’anaviy libos, naboyka, kulolchilik, yog‘och o‘ymakorligi, metall san’ati va boshqalar) faoliyat yurituvchi professional ustalar va rassomlar;

• Zamonaviy amaliy san’atda (shishaga badiiy ishlov berish, noan’anaviy kulolchilik, gobelen, batik va boshqalar) hamda sanoat dizayn sohasida ishlaydigan professional ustalar, rassomlar, dizaynerlar;

• Yagona mavzu yoki aniq konsepsiyaga doir bir muallifga yoki bir necha muallifdan iborat jamoa loyihalari vaqtinchalik yoki doimiy ko‘rgazma loyihasini tashkil etishi mumkin;

•Shuningdek, amaliy san’at sohasiga maxsus yo‘naltirilgan muzeylar, galereyalar, kuratorlar taklif qilinadilar.
 

Asarlarni qabul qilish talablari:

• Ishlar yuqori professional darajada bajarilgan bo‘lishi kerak;

• Biyennalega oxirgi 2 yil ichida yaratilgan, erkin mavzu asosidagi mualliflik ishlari qabul qilinadi;

• Ishlar soni, o‘lchami, mavzusi va texnikasi bo‘yicha cheklovlar yo‘q;

• Har bir asar ko‘rgazmaga tayyor holda bo‘lishi shart: asarning orqa tomonida etiketaj bo‘lishi kerak. Unda quyidagi ma’lumotlar ko‘rsatiladi – davlat, muallifning F.I.Sh., texnikasi, yaratilgan yili, o‘lchami (osish va namoyish etish uchun moslama bo‘lishi lozim);

• Eksponatlar albatta quyidagilar bilan birga taqdim etilishi shart: ariza-anketa va asarlar ro‘yxati;

• Taqdim etiladigan barcha asarlar - o‘zbek, ingliz yoki rus tillarida yozib imzolangan bo‘lishi kerak;

•Arizalar quyidagi elektron pochta manzillariga yuboriladi:
decorart.uz2025@gmail.com; biennale.uzbekistan@gmail.com

*BIYENNALЕ TASHKILIY QO‘MITASI ISHTIROKCHILARNI TANLASH HUQUQINI O‘ZIDA SAQLAB QOLADI.

Biyennaleda ishtirok etish uchun arizalarni qabul qilish muddati:  2025 yil 1 avgustga qadar

Qo‘shimcha ma’lumotlar:

● Direksiya va Biyennale kuratori asarlarni saralash huquqini o‘zlarida saqlab qoladilar;

● Biyennaleda ishtirok etish uchun to‘lov talab etilmaydi;

● Biyennaleda ishtirok etish orqali muallif o‘z asarlarining Biyennaleni ommalashtirish maqsadida foto va video tasvirga olinishiga rozilik beradi;

● Tashkilotchilar tadbir ishtirokchilari uchun aviachiptalar xarajatlarini qoplamaydilar;

● Tashkilotchilar tashkiliy qo‘mita tomonidan taklif etilgan xorijiy ishtirokchilar uchun tadbir o‘tkazilish davridagi yashash, ovqatlanish va shahar ichidagi (barcha ishtirokchilar uchun umumiy) avtobus qatnovlari xarajatlarini qoplaydilar;

● Pochta orqali jo‘natilgan, to‘lov talab qilinadigan yoki yuk/kargo sifatida yuborilgan asarlar qabul qilinmaydi.

Biyennale kuratori: Giyasova Feruza
V Toshkent Xalqaro Amaliy San’at Biyennalesi tashkiliy qo‘mitasi:
Manzil: 1000029, Toshkent sh., Sh. Rashidov ko‘chasi, 40-uy
Telefon: +(99871) 256-51-46

Elektron pochta: decorart.uz2025@gmail.com; biennale.uzbekistan@gmail.com 
Veb-sayt: www.art-academy.uz, www.dhv-art.uz