Joriy yil dekabr oyida poytaxt Toshkentda «Toshkent quvonchlari» XI xalqaro bolalar rasmlari biyennalesi bo‘lib o‘tadi.

O‘zbekiston Badiiy akademiyasi dunyo bo‘ylab 5 yoshdan 15 yoshgacha bo‘lgan bolalarni ushbu xalqaro biyennaleda ishtirok etishga taklif etadi.

📝 Tanlov mavzulari:

• «Bolalik olami»
• «Mening Vatanim»
• «Men yashaydigan olam»
• «Mening orzum»
• «Men biladigan O‘zbekiston»

📌 Ishlarga qo‘yiladigan talablar:

• Rasm o‘lchami 30 × 40 sm dan oshmasligi kerak
• Ish 2026-yilda yaratilgan, muallif tomonidan mustaqil bajarilgan va asl nusxa bo‘lishi shart
• Istalgan badiiy materiallardan foydalanish mumkin
• Kompyuterda chop etilgan rasmlar, linogravyura va batik ishlari qabul qilinmaydi
• Har bir ishtirokchi faqat bitta, avval namoyish etilmagan ish bilan qatnashadi
• Rasm ramka yoki paspartusiz taqdim etiladi

⚠️ Muhim shartlar:

• Taqdim etilgan ishlar qaytarilmaydi
• Barcha ishlarga nisbatan mualliflik huquqi Tashkiliy qo‘mita ixtiyorida qoladi
• Ish ota-ona, vasiy yoki o‘qituvchi tomonidan tasdiqlanishi shart
• Ishlar to‘g‘ri qadoqlangan va yorliqlangan holda pochta orqali yuboriladi

⌛️ Hujjatlarni qabul qilish muddati:

2026-yil 1-iyul – 1-noyabr
(Ishtirokchi ishi ushbu muddatgacha Tashkiliy qo‘mitaga yetib kelishi shart)

🎁 Mukofotlar:

• 7 ta oltin medal
• 7 ta kumush medal
• 7 ta bronza medal
• 50 ta esdalik medali

📆 Natijalar:

Tanlov natijalari 2026-yil dekabr oyida e’lon qilinadi. G‘oliblar pochta orqali shaxsan xabardor qilinadi.

⚠️ Qo‘shimcha e’tibor:

• Anketa bosma harflarda to‘liq to‘ldirilishi shart
• Anketa rasmning orqa tomoni yuqori chap burchagiga biriktiriladi
• Naqd to‘lov yoki kargo orqali yuborilgan ishlar qabul qilinmaydi

🏛 Manzil:

«Toshkent quvonchlari» Xalqaro bolalar rasm biyennalesi direksiyasi
O‘zbekiston Respublikasi, 100000, Toshkent shahri, S. Azimov ko‘chasi, 35-uy

☎️ +998 (71) 233-04-27
📠 +998 (71) 232-17-35
📧 biennale.uzbekistan@gmail.com

Barcha ijodkor bolalar tanlovda ishtirok etishga taklif etiladi. Sizlarga omad va ijodiy muvaffaqiyatlar tilaymiz!