O‘zbekiston Respublikasi Vazirlar Mahkamasining 2025-yil 24-dekabrdagi 824-son qaroriga muvofiq, “O‘zbekistonda bayramlarning g‘oyaviy-ma’naviy mazmunini yanada kuchaytirish va ommalashtirish konsepsiyasini tasdiqlash to‘g‘risida”, 2026-yil aprel-may oylarida professional fotosuratchilar o‘rtasida “Eng Yaxshi Fotosurat” ijodiy asarlar tanlovi tashkil etiladi.

Tanlov shartlari:

• Tanlovda foto san’ati yo‘nalishidagi professional fotosuratchilar ishtirok etishi mumkin; yosh chegarasi mavjud emas.

• Ishtirokchilar tanlov e’lon qilingan kundan boshlab bir oy ichida quyidagi hujjatlarni taqdim etadilar:

  • Ariza-anketa;

  • Oilalarda tinchlik va xotirjamlikni ifodalovchi, bayram kayfiyatini kengroq yoritishga qaratilgan ijodiy fotosuratlar (10 donadan ortmagan, o‘lchamlari: 30×45 sm, 60×40 sm yoki 50×60 sm);

  • Fotosurat haqida alohida ma’lumot: nomi, mazmuni, sana, olingan joy va unda nima/kim tasvirlanganligi.

• Taqdim etilayotgan barcha fotosuratlar nomi o‘zbek va ingliz tillarida bo‘lishi zarur.

Fotosuratlarga qo‘yiladigan talablar:

• Oxirgi 3 yil ichida yaratilgan va nashr etilmagan, oilalarda tinchlik va bayram kayfiyatini aks ettiruvchi, milliy an’ana va urf-odatlarni targ‘ib qiluvchi ijodiy fotosuratlar qabul qilinadi.

• Fotosuratlar boshqa tanlovlarda g‘olib bo‘lgan yoki yuborilgan bo‘lishi mumkin emas.

• Internet nashriga mos texnik xususiyatlarga javob berishi kerak.

• O‘lchamlari: 30×45 sm, 60×40 sm yoki 50×60 sm.

• Muallif fotosuratlarni ramka yoki fomeksga joylashtirgan holda topshirishi mumkin.

• Ishtirokchilar o‘z ismlarini fotosuratda yoki nomida ko‘rsatmasligi lozim.

• Fotosuratlarga ishlov berish tasvir tarkibini buzmasligi kerak (rang, kontrast, ekspozitsiya, shovqinni kamaytirish, HDR va tiniqlikni oshirish ruxsat etiladi).

• Fotosurat haqiqiyligini buzmasligi, sifatsiz yoki haqiqiyligini tekshirib bo‘lmaydigan asarlar rad etiladi.

Tanlov tartibi va mukofotlar:

• Tanlov natijalari bo‘yicha ijodiy ko‘rgazma tashkil etiladi.

• G‘oliblar diplom va belgilangan tartibda qimmatbaho sovg‘alar bilan taqdirlanadi.

Fotosuratlar qabul qilinadigan manzil:

🏢 Toshkent shahri, Mirobod tumani, Istiqbol ko‘chasi, 4-uy, Toshkent fotosuratlar uyi
📆 1-apreldan 30-aprelgacha
☎️ Aloqa: (71) 233-97-43, (71) 233-80-51
📧 E-mail: jasper1486@mail.ru
📞 Ma’lumot uchun: (71) 252-30-88, (71) 256-35-56