4-noyabr kuni Badiiy akademiya tizimidagi ixtisoslashtirilgan sanʼat maktablari hamda maktab-internatlarida malaka toifasiga talabgor pedagog kadrlar uchun malaka sinovi boshlandi.

Tasviriy va amaliy san’at hamda dizayn yo‘nalishlaridagi pedagoglar uchun malaka sinovi Pavel Benkov nomidagi Respublika ixtisoslashtirilgan rassomlik maktabida bo‘lib o‘tmoqda.

O‘zbekiston Badiiy akademiyasi raisi Akmal Nur  Pavel Benkov nomidagi Respublika ixtisoslashtirilgan rassomlik maktabida kechayotgan sinov jarayoni va tashkiliy ishlarni borib ko‘rdi.

 Badiiy akademiya va Maktabgacha va maktab taʼlimi vazirligining “O‘zbekiston Badiiy akademiyasi tizimidagi ixtisoslashtirilgan sanʼat maktablari hamda maktab-internatlari pedagog kadrlarining o‘quv fanidan malaka sinovlarini tashkil etish to‘g‘risida” 2024-yil 24-apreldagi 16/QQ va QQ-02-02-son qaroriga muvofiq o‘tkazilayotgan  joriy malaka sinovi oliy, birinchi va ikkinchi malaka toifasiga talabgor 249 nafar pedagog  o‘rtasida kechmoqda.