Joriy yilning oktyabr oyida Sirdaryo ixtisoslashtirigan san’at maktab-internatida O’zbekiston Badiiy akademiya raisining 2024-yil 5-iyundagi “Tizimdagi ixtisoslashtirilgan san’at maktablari hamda maktab-internatlariga O‘zbekiston Badiiy akademiyasining haqiqiy a’zolarini to‘g‘risida” I-43-son buyrug‘i ijrosini ta’minlash maqsadida, O’zbekiston xalq rassomi, davlat gerbi muallifi, akademik Anvar Mamajonov va shogirdi Kamoliddin Behzod nomidagi Milliy rassomlik va dizayn instituti Tasviriy san'at fakulteti Dastgoh va kitob grafikasi yo'nalishi 4- kurs talabasi Hasan Azimjonov bilan ijodiy uchrashuv va mahorat darslari bo’lib o’tdi.

Mahorat darslaridan so’ng, ko’rgazmalar zalida  grafik rassom, akademik A.Mamajonov maktabning yuqori sinf o’quvchilari bilan davra suhbati o’tkazib, ularning kelgusidagi ijodlariga parvozlar tiladi. O’zbekiston xalq rassomi A.Mamajonov bilan o’tkazilgan ijodiy uchrashuv va mahorat darsi o’quvchilar qalbida olam-olam taassurot qoldirdi.