O‘zbekiston Badiiy akademiyasi raisining tegishli buyrug‘i ijrosini ta'minlash maqsadida  tizimdagi taʼlim muassasalarida 2024/2025-o‘quv yili davomida Badiiy akademiyaning haqiqiy a'zolari bilan ijodiy uchrashuvlar va ular ishtirokida mahorat darslari o‘tkazib kelinmoqda.

Shunday tadbirlardan navbatdagisi Buxoro ixtisoslashtirilgan san'at maktab – internatida tashkil qilindi.

31-oktyabr kuni O‘zbekiston Badiiy akademiyasi haqiqiy a'zosi, Badiiy ijodkorlar uyushmasi  Xorazm viloyat bo‘limi a'zosi, tarixiy obidalarni ta'mirlovchi usta rassom  Botir Boltayev  Buxoro ISMIga tashrif buyurdi.

Mazkur ta’lim dargohida akademik Botir Boltayev  bilan Badiiy ijodkorlar uyushmasi Buxoro viloyati bo’limi a'zolari hamda o‘quvchilar ishtirokida ijodiy uchrashuv tashkil etildi. Mehmon bilan ijodiy suhbat qizg’in kechdi. 

Uchrashuvdan so‘ng o‘quvchilar ijodiy ishlari ko‘rigi bo‘lib o‘tdi.

Kunning ikkinchi yarmida akademik Botir Boltayev Buxorodagi Bahouddin Naqshband ziyoratgohida bo‘lib,majmuada olib borilgan ta'mirlash ishlari bilan yaqindan tanishdi.