Davlatimiz rahbarining 2024-yil  4-dekabrda qabul qilingan "Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to‘g‘risida"gi  PQ-421-son qarori ijrosini taʼminlash maqsadida sportning mini-futbol turi bо‘yicha О‘zbekiston Badiiy akademiyasi raisi kubogi musobaqasi boshlandi. 

9-avgust kuni Respublika ixtisoslashtirilgan dizayn maktabida ushbu mini-futbol o‘yinlari tantanali ochilish marosimi bo‘lib o‘tdi va unda bellashuvlarga rasman start berildi. 

Tadbirda qatnashgan O‘zbekiston Badiiy akademiyasi raisi o‘rinbosari Farhod Tashmuhamedov  mini-futbol xodimlar o‘rtasida sog‘lom turmush tarzini targ‘ib etish, jismoniy  faollik orqali ish unumdorligini, jamoalararo hamjihatlikni kuchaytirishga xizmat qilishini taʼkidladi va ishtirokchi tarkiblarga omad tiladi. 

9-avgust kuniga rejalashtirilgan o'yinda: 

• Oʻzbekiston Badiiy akademiyasi,
• Badiiy koʻrgazmalar direksiyasi,
• Kamoliddin Behzod nomidagi Sharq miniatyura san’ati muzeyi,
• Toshkent fotosuratlar uyi hodimlaridan iborat jamoalar to‘p surdi. 

Murosasiz kechgan bellashuvlarda O'zbekiston Badiiy akademiyasi  jamoasi  peshqadamlikni qo'lga kiritdi hamda ikkinchi bosqich yo'llamasini qo'lga kiritdi.

10-avgust kuniga rejalashtirilgan o'yinda: 

• Kamoliddin Behzod nomidagi Milly rassomlik va dizayn instituti,
•  Badiiy ta’lim yo‘nalishlarida pedagog va mutaxassis kadrlarni qayta tayyorlash hamda ularning malakasini oshirish markazi,
• Pavel Benkov nomidagi Respublika ixtisoslashtirilgan rassomlik maktabi,
• Respublika ixtisoslashtirilgan dizayn maktabi,
• Respublika ixtisoslashtirilgan san’at maktab- internati,
• Sirdaryo ixtisoslashtirilgan san’at maktab-internati hodimlaridan iborat jamoalar qatnashib, to‘p surdi. 

Qizg‘in  kechgan bellashuvlarda Pavel Benkov nomidagi Respublika ixtisoslashtirilgan rassomlik maktabi jamoasi g'olib bo'lib, ikkinchi bosqich yo'llanmasini qo'lga kiritdi.

Shuningdek, bir-biriga yaqin viloyatlar ta'lim tashkilotlari o'rtasida mazkur musobaqa ko'tarinki ruhda o'tkazildi.

Eslatib o‘tamiz, О‘zbekiston Badiiy akademiyasi raisi kubogi uchun mini-futbol musobaqasi Badiiy akademiya tasarrufdagi tashkilot hamda taʼlim muassasalari xodimlaridan iborat jamoalar o‘rtasida bo‘lib o‘tadi va 23-avgustda yakuniga yetadi.