O‘zbekiston Badiiy akademiyasi raisining 2024-yil 5-iyundagi “Tizimdagi ixtisoslashtirilgan san’at maktablari hamda maktab-internatlariga O‘zbekiston Badiiy akademiyasining haqiqiy a’zolarini biriktirish to‘g‘risida” I-43-son buyrug‘i ijrosini ta’minlash maqsadida tizimdagi taʼlim muassasalarida Badiiy akademiyaning haqiqiy a’zolari bilan ijodiy uchrashuvlar va ular ishtirokida mahorat darslari o‘tkazib kelinmoqda.

Shu munosabat bilan mazkur tadbirlardan biri Jollibay Izentayev nomidagi Qoraqalpog‘iston Respublikasi ixtisoslashtirilgan san’at maktab-internatida tashkil qilindi.

Bugun, 2025-yil 24-fevral kuni O‘zbekiston Badiiy akademiyasi akademigi, O‘zbekiston xalq rassomi G‘оfur  Qodirov maktab-internatiga tashrif buyurdi.

Akademik o‘z tashrifini maktab-internatida o‘quvchilar uchun yaratilgan sharoitlar hamda maktab-internatida tashkil qilingan ijodiy ishlar ko‘rgazmalari bilan tanishdi.

 Akademik G‘ofur Qodirov ijodiy safarini Nukus shahridagi I.V.Savitskiy nomidagi Qoraqalpog'iston davlat san’at muzeyida davom ettirdi. 

Muzeydagi xalq amaliy san’ati, qadimiy va o‘rta asrlar san’ati, o‘zbek, rus va qoraqalpoq tasviriy san’ati, zamonaviy rangtasviri va haykaltaroshligidan tashkil topgan eksponatlar bilan tanishdi. Muzeyda unga Jollibay Izentayev nomidagi Qoraqalpog‘iston Respublikasi ixtisoslashtirilgan san’at maktab-internati direktori J.Dosbergenov va O‘zbekiston Badiiy akademiyasi haqiqiy a’zosi S.Baybosinovlar hamrohlik qildi. 

Tashrif davomida akademik G‘.Qodirov va O‘zbekiston Badiiy akademiyasi haqiqiy a’zosi S.Baybosinovlar o‘rtasida ijodiy suhbatlar olib borildi.