2026-yil 13-oktabr kuni XI Toshkent xalqaro zamonaviy san’at biennalesi «Voqealar gorizonti» doirasida Toshkent fotosuratlar uyida ko‘rgazma ochildi.

🩸Ko‘rgazmada O‘zbekiston va xorijiy mamlakatlardan kelgan rassomlarning zamonaviy san’atning turli janr va texnikalarida yaratilgan asarlari namoyish etildi. Ekspozitsiya rangtasvir, installyatsiya, kollaj va fotografiya asarlarini birlashtirib, badiiy yondashuvlar hamda mualliflik yechimlarining xilma-xilligini namoyon etdi.

🇺🇿 O‘zbekiston san’atini Sarsenbay Baybosinov, Xurshid Ziyaxonov, Gulya Gromova, Lana Lim, Ali Babayev, Nazira Kuziyeva, Alisher Hamdamov, Yuriy Videnin va Behzod Boltayev namoyon etdi. Ularning asarlarida rangtasvir va kollajdan tortib, fazoviy installyatsiyalar hamda fotografik turkumlargacha bo‘lgan turli badiiy ifoda vositalari o‘z aksini topdi.

🌍 Xalqaro ishtirokchilar safidan Ozarbayjon, Fransiya, Tojikiston, Qozog‘iston, Armaniston, Serbiya, Belarus, Rossiya, Italiya, Vengriya, Germaniya va Bolgariya vakillari o‘rin oldi.

👨‍🎨 Ekspozitsiyada Ramina Saadatxan, Naomi Lotye, Abdurahmon Abdurahimi, Mariya Petrova Michi, Arman Vardanyan, Irina Chernyavskiy Santrich, Anna Silivonchik va Yelena Peshkovaning asarlari namoyish etildi.

📸 Ko‘rgazmaning fotografiya bo‘limi Agdes Bagirzade, Aran Kosentino, Tamash Yanosh Molnar, Abdul-Ganiu Dermani, Olga Volodina va Gulmaral Tattibay asarlarini tomoshabinlar e’tiboriga havola etdi.

✅ Toshkent fotosuratlar uyidagi ekspozitsiya turli badiiy an’analar, mualliflik uslublari va zamonaviy dunyoni anglash usullarini bir makonda jamladi. Namoyish etilgan asarlar tomoshabinlarga turli mamlakatlar rassomlari ijodi bilan tanishish va bugungi san’at amaliyotining keng ko‘lamini ko‘rish imkonini berdi.

❄️ Inson, madaniy xotira va atrofimizdagi olamning rang-barangligiga bag‘ishlangan fotografik turkumlar ekspozitsiyada alohida o‘rin egalladi.