🏛 O‘zbekiston Respublikasi Prezidentining 2026-yil 5-fevraldagi PQ–46-son qarori ijrosini ta’minlash maqsadida 2026-yil oktabr oyida Sohibqiron Amir Temur tavalludining 690 yilligiga bag‘ishlangan eng yaxshi tarixiy asarlar tanlovi tashkil etiladi.

Mazkur tanlovning asosiy maqsadi — milliy tarixiy merosni, xususan Temuriylar davri tarixi, buyuk tarixiy shaxslar va muhim tarixiy voqealarni tasviriy san’at orqali targ‘ib etish, shuningdek tarixiy yo‘nalishda ijod qilayotgan rassomlarni qo‘llab-quvvatlashdan iborat.

🎨 Tanlov yo‘nalishlari

Tanlovda tasviriy san’atning rangtasvir, mahobatli va dastgohli rangtasvir yo‘nalishlarida ijod qilayotgan rassomlar ishtirok etishlari mumkin.

Ishtirok etish uchun taqdim etiladigan hujjatlar

Tanlovda qatnashish istagidagi ijodkorlar quyidagi hujjatlarni tanlov tashkiliy qo‘mitasiga taqdim etadilar:

• Ariza-anketa (tanlov nizomining 1-ilovasiga muvofiq);
• Ishtirokchi haqida ma’lumot;
• Ijodiy asarlar (soni cheklanmagan).

📌 Ijodiy ishlarni topshirish muddati va manzili

Ijodkorlarning arizalari va ijodiy asarlari 2026-yil 10-sentabrga qadar qabul qilinadi.

📍 Manzil:
Toshkent shahri, S. Azimov ko‘chasi, 35-uy
O‘zbekiston Badiiy akademiyasi binosi

☎️ Aloqa raqami: (+998 71) 232-17-66

Tanlov shartlari

Tanlovga taqdim etiladigan ijodiy asarlar quyidagi mezonlar asosida baholanadi:

• Tarixiy manbalar va ilmiy adabiyotlarga asoslanganlik;
• Mavzuga tarixiy haqiqat hamda o‘zbek xalqi va davlatchiligi tarixi nuqtai nazaridan yondashish;
• Amir Temur shaxsiyati, uning bashariyat tarixi va Turon tamaddunidagi alohida o‘rnini yoritish;
• Betakror badiiy yechim, izchil badiiy g‘oya va ta’sirchan ramzlardan samarali foydalanish.

⚠️ Belgilangan muddatdan kechiktirib topshirilgan loyihalar qabul qilinmaydi.

🖼 Tanlov yakunlari bo‘yicha ishtirokchilarning ijodiy ko‘rgazmasi tashkil etiladi.

🏆 Tanlov g‘oliblari diplom hamda belgilangan tartibda qimmatbaho sovg‘alar bilan taqdirlanadi.

☎️ Qo‘shimcha ma’lumot uchun: (+998 71) 232-17-66

Tanlov Nizomi --> https://t.me/artacademyuz/37197

Anketa --> https://t.me/artacademyuz/37198

Mavzular ro'yxati --> https://t.me/artacademyuz/37199