22 noyabr kuni O‘zbekiston Badiiy akademiyasi tasarrufidagi Qashqadaryo ixtisoslashtirilgan san’at maktab-internati ko’rgazmalar zalida mahoratli pedagog, rassom Xumoyunbek Nurboboyevnjng «Ustoz va shogird» nomli ko’rgazmasining ochilishi bo’lib o’tdi. Ko’rgazmada rassom va shogirdlarining qirqdan ortiq rangtasvir asarlari namoyish etilmoqda. Maktab-internati direktori N.Xolmuradova kirish so’zi bilan ochib bergan ko’rgazmada san’atshunos Sh.Homidova va faxriy ustozlar so’zga chiqishdi. Ko’rgazma tashrif buyurganlarda yaxshi taassurot qoldirdi.
