Экспозицияда муаллифнинг 67 та фотоасари – кейинги йилларда ишлаган манзара, портрет, натюрморт, маиший ҳамда жанрлар кесимидаги бадиий фотографиялари тақдим этилган. Уста фотоасарларида бадиий фотографиянинг техник ва технологик қонуниятлари билимдонлигидан келиб чиқиб, чизиқлар, шакллар, нур ва соя уйинлари, сюжет қурилиши, шакллар нисбати ва уларнинг жойлашуви, ранглар уйғунлиги, композицияни шакллантиришгача бўлган мураккаб ва мумтоз босқич ўта нозик дид билан босиб ўтилганлигини гувоҳи бўласиз.