Бугун, 29 август куни Ёшлар ишлари агентлиги биносида Ватанимиз мустақиллигининг 32 йиллигига бағишлаб ташкил этилган “Энг улуғ, энг азиз” танловининг республика босқичи ғолибларини тақдирлашга бағишланган тадбир бўлиб ўтди.
Танловнинг “Тасвирий санъат, фото ва дизайн ишлари” номинацияси бўйича биринчи ўринга Ўзбекистон Бадиий академияси тасарруфидаги Қўқон ихтисослаштирилган санъат мактаби ўқитувчиси Махсуджон Қосимов, иккинчи ўринга ёш дизайнер Хуршидбек Қосимов, учинчи ўринга Тошкент Халкаро Вестминстер университети фотоклуби раҳбари Улуғбек Мейликов лойиқ топилди.