Ўзбек тасвирий санъати оғир жудоликка учради.
Бугун “Ўзбекистон халқ устаси” (2000), “Ўзбекистон Бадиий академияси ҳақиқий аъзоси” (2003), санъатшунос Акбаров Асқарали Адамшоевич 71 ёшида вафот этди.
А.Акбаров анъанавий наққошликлик санъатимиз ривожига улкан ҳисса қўшди, бинолар безагида наққошлик билан ганч ҳамда ёғоч ўймакорлигини уйғун қўллади, унутилиб кетган кундал услубини қайта тиклади. Буюмларни нафис безашда ислимий ва гириҳ мужассамотидан кенг фойдаланар эди.
Наманган (“Пахталикўл” санаторийси, вилоят тарихи ва маданияти давлат музейи ва бошқалар), Тошкент (“Мовий гумбазлар” чойхонаси, Халқлар дўстлиги саройи) ва бошқа вилоятларда, хорижий давлатларда 100 дан зиёд биноларни кўркам безаган эдилар.
Сўнгги йилларда Наманган давлат университетида самарали фаолият кўрсатиб, юзлаб шогирдлар тарбиялаб келди.
Ўзбекистон Бадиий академияси марҳумнинг оила аъзолари ва яқинларига чуқур ҳамдардлик билдиради.
