5 октябрь куни Ўзбекистон Бадиий академиясида Бадиий академия Бошқарув кенгашининг навбатдаги мажлиси бўлиб ўтди. Мажлисда Ўзбекистон Бадиий академияси раиси Акмал Нур ҳамда Бадиий академия ҳақиқий аъзолари иштирок этди.Мажлис кун тартибида Ўзбекистон Республикаси Вазирлар Маҳкамасининг 2017 йил 1 декабрдаги “Ўзбекистон Бадиий академиясининг фаолиятини такомиллаштириш тўғрисида”ги 957-сонли қарорига мувофиқ Ўзбекистон Бадиий академияси ҳақиқий аъзолигига номзодларни Бошқарув кенгашида рўйхатдан ўтказиш, Ҳақиқий аъзоликка сайловлар ўтказиш муддати – санасини белгилаш ва тасдиқлаш ҳамда фаолиятга тегишли бошқа масалалар кўриб чиқилди.
