Янги ўқув йилининг илк кунида Хоразм вилоятининг Боғот туманидаги 37-сон мактабида давлатимиз сарҳадларини ҳимоя қилиш чоғида мардларча ҳалок бўлган катта сержант Азамат Умаров хотирасини абадийлаштириш мақсадида ўрнатилган ёдгорликнинг очилиш маросими бўлиб ўтди.
Унда иштирок этганлар юрт ҳимояси йўлида ўз жонини қурбон қилган Ватаннинг содиқ ва мард фарзанди ҳақидаги илиқ хотираларни яна бир бор эсга олдилар.
Азамат Умаров бюсти Ўзбекистон Бадиий ижодкорлар уюшмаси Хоразм вилоят бўлими аъзоси, ҳайкалтарош Шавкат Усмонов томонидан ясалди.
